नोएडा : एका १३ वर्षीय मुलीचं अपहरण करुन तिच्यावर बलात्कार (minor girl sexual assault and abduction case) केल्याची धक्कादायक घटना नोएडाच्या (Noida) सेक्टर १४२ पोलीस स्टेशनच्या हद्दीत घडलीय. याप्रकरणी पोक्सो कायद्यांतर्गत (pocso act) आरोपीवर गुन्हा दाखल करण्यात आलाय. प्रमोद असं आरोपीचं नाव असून तो इलेक्ट्रेशीयन आहे. गुन्हा केल्यानंतर आरोपी प्रमोद फरार झाला होता. मात्र गुरुवारी गौतम बुद्ध नगर पोलीसांनी आरोपीचा शोध घेवून त्याला अटक (culprit arrested) केली आहे. पीडित मुलीच्या शेजारीच आरोपी प्रमोद राहत होता. असं वृत्त इंडिया टुडेनं दिलं आहे. (Noida police arrested a culprit in minor girl abduction and sexual assault crime)

याबाबत सविस्तर वृत्त असं की, रविवारी सायंकाळी पीडित मुलगी एका दुकानात जात असताना आरोपी प्रमोदने तिचं अपहरण केलं आणि तिच्यावर लैंगिक अत्याचार केला. त्यानंतर पीडितेने तिच्यासोबत घडलेली घटना तिच्या कुटुंबियांना सांगितली. त्यानंतर १२ जानेवारीला बुधवारी नोएडाच्या सेक्टर १४२ पोलीस स्टेशनमध्ये पीडितेच्या मोठ्या भावाने याप्रकरणी पोलिसांत तक्रार दाखल केली. आरोपी विरोधात या प्रकरणी आयपीसीच्या सेक्शन ३७६ आणि पोक्सो कायद्यांतर्गत गुन्हा दाखल करण्यात आला.

"गुन्हा करुन फरार झालेल्या आरोपीला अटक करण्यासाठी पोलीसांचं पथक तयार करण्यात आलं होतं. मात्र पोलीस आरोपीच्या शोधावर होते त्यामुळे नोएडाच्या सेक्टर १४३ मेट्रो स्टेशन परिसरात गरुवारी आरोपीला पकडण्यात यश आलं. अशी माहिती सेक्शन १४२ पोलीस स्टेशनचे एसएचओ उत्तम कुमार यांनी दिलीय. दरम्यान, आरोपीवर फेब्रुवारीत गाझियाबादच्या विजय नगर पोलीस स्टेशनमध्ये २० वर्षीय महिलेचं अपहरण केल्याप्रकरणी गुन्हा दाखल करण्यात आला होता. अशी माहितीही पोलिसांच्या तपासात समोर आलीय.