कोराना लसीकरणात आघाडीवर असलेल्या भारतासाठी आणखी एक आनंदाची बातमी आहे.
नवी दिल्ली : कोराना लसीकरणात (Covid-19) आघाडीवर असलेल्या भारतासाठी आणखी एक आनंदाची बातमी आहे. नोव्हावॅक्सच्या (Novavax) कोरोना लसीला ड्रग कंट्रोलर जनरल ऑफ इंडियानं आपत्कालीन वापरासाठी मान्यता दिलीय. ही लस 12 ते 17 वर्षे वयोगटातील मुलांना दिली जाईल. नोव्हावॅक्सची ही लस NVX-CoV2373 म्हणूनही ओळखली जाते. भारतातील सीरम इन्स्टिट्यूट ऑफ इंडिया (Serum Institute of India, SII) ही लस बनवत आहे. भारतात ही लस Covovax या नावानं ओळखली जाईल.
Covovax ही देशातील चौथी अशी लस आहे, जी भारतात 12 वर्षांपेक्षा जास्त वयाच्या मुलांना दिली जाणार आहे. याआधी भारतात बायोलॉजिकल E's Corbevax, Zydus Cadila's ZyCoV-D आणि Bharat Biotech's Covaccine ही 12 वर्षांपेक्षा जास्त वयाच्या मुलांवर वापरली जात होती.
नोव्हावॅक्सनं गेल्या महिन्यात सांगितलं होतं की, त्यांची लस 80 टक्के प्रभावी आहे. भारतात 12 ते 17 वर्षे वयोगटातील 2,247 मुलांवर या लसीची चाचणी घेण्यात आली. नोव्हावॅक्सच्या लसीला 'Covovax' गेल्या वर्षी डिसेंबरमध्येच मंजुरी देण्यात आली होती. पण, तेव्हा ही मान्यता केवळ 18 वर्षांवरील लोकांसाठी होती. Covovax ला नुकतीच जागतिक आरोग्य संघटनेकडूनही आपत्कालीन वापरासाठी मान्यता मिळालीय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.