नवी दिल्ली : भारतात सध्या कोरोनाग्रस्त रुग्णांचा आकडा मोठ्या प्रमाणात वाढत आहे. देशवासियांकडून कोरोनाच्या पार्श्वभूमीवर खबरदारीच्या अनेक पर्यायांचा वापर केला जात आहे. तरीदेखील रुग्णसंख्या कमी होताना दिसत नाही. हा एक चिंतेचा विषय बनत आहे. तसेच आता भारतातील कोरोनाग्रस्त रुग्णांचा आकडा 62 हजारच्या वर गेला आहे. यातील मृतांच्या संख्येतही दिवसेंदिवस वाढ होत आहे. 

ताज्या बातम्यांसाठी डाऊनलोड करा ई-सकाळचे ऍप

गेल्या 24 तासांत देशभरात कोरोनाचे एकूण 3277 नवे रुग्ण आढळले आहेत. यामध्ये 127 कोरोनाग्रस्त रुग्णांचा मृत्यू गेल्या 24 तासांत झाला आहे. भारतातील कोरोनाबाधित रुग्णांचा आकडा वाढला असून, रुग्णांची एकूण संख्या 62,939 वर पोहोचली आहे. तर देशभरात कोरोनाची लागण झालेल्या 2,109 हून अधिक रुग्णांचा आत्तापर्यंत मृत्यू झाला आहे. याबाबतची माहिती केंद्रीय आरोग्य मंत्रालयाने दिली आहे. 

24 तासांत 3277 नवे रुग्ण

भारतात नव्या रुग्णांचे प्रमाणही थांबत नाही. गेल्या 24 तासांत देशभरात 3277 नवे कोरोनाग्रस्त रुग्ण आढळून आले आहेत. त्यामुळे देशातील कोरोनाग्रस्त रुग्णांची संख्या 62 हजारांच्या वर पोहोचली आहे. कोरोनामुळे मृत्यू झालेल्या रुग्णांचा आकडा 2100 वर पोहोचला आहे.  

पुण्याच्या बातम्या वाचण्यासाठी येथे ► क्लिक करा

19 हजारांहून अधिक रुग्ण बरे

देशातील कोरोनाग्रस्त रुग्णांपैकी 41,472 रुग्णांवर वैद्यकीय उपचार सुरू आहेत. तर 19,358 रुग्णांवर उपचार केल्यानंतर ते बरे झाले असून, त्यांना घरी सोडण्यात आले आहे, अशी माहिती केंद्रीय आरोग्य मंत्रालयाने दिली.

पुण्याच्या बातम्या वाचण्यासाठी येथे ► क्लिक करा

महाराष्ट्रात सर्वाधिक रुग्ण

महाराष्ट्रात कोरोनाग्रस्तांची संख्या ही सर्वाधिक आहे.  राज्यातील कोरोनाबाधित रुग्णांची संख्या शनिवारी 20 हजारांवर पोहोचली. महाराष्ट्रात सतत वाढणाऱ्या या प्रकरणांमुळे केंद्र सरकारच्या चिंतेत मोठी वाढ झाली आहे.