Naba Kishore Das Dies : ओडिशाचे आरोग्य आणि कुटुंब कल्याण मंत्री नाबा किशोर दास यांच्यावर काल गोळ्या झाडण्यात आल्या होत्या. त्यांचा काल रात्री रुग्णालयात उपचारादरम्यान मृत्यू झाला.

याप्रकरणी आज आरोपी गोपाल दास याने गुन्हा कबूल केला आहे. या प्रकरणाच्या तपासासाठी फॉरेन्सिक आणि सायबर तज्ज्ञांना पाचारण करण्यात आलेले आहे. आरोपींना जास्तीत जास्त शिक्षा व्हावी, यासाठी प्रयत्न करु असं गुन्हे शाखेचे एडीजी अरुण बोथरा यांनी सांगितलं. 'एएनआय'ने यासंदर्भातील वृत्त दिले आहे.

ओडिशाचे आरोग्य मंत्री नाबा किशोर दास यांच्यावर रविवारी (29 जानेवारी) गोळीबार करण्यात आला होता. ओडिशाच्या झारसुगुडा जिल्ह्यात एएसआय गोपाल दास याने नाबा किशोर दास यांच्यावर गोळ्या झाडल्या.यानंतर आरोग्यमंत्र्यांना गंभीर अवस्थेत रुग्णालयात दाखल करण्यात आले होते. आरोग्य मंत्री दास एका बैठकीला जात असताना ब्रजराजनगर शहरात ही घटना घडली. दास हे ओडिशातील प्रसिद्ध नेत्यांपैकी एक आहेत.

काल रात्रीच उपचारादरम्यान त्यांचा मृत्यू झाला असून आज गोपाल दासने गुन्हा कबूल केला आहे. गोपाल दासने नेमक्या गोळ्या का झाडल्या याबाबत अद्याप माहिती पुढे आलेली नाही. पोलिस प्रकरणाचा कसून तपास करीत आहेत.