Omicron Variant Latest Update : नवी दिल्ली : कोरोनाचा नवा व्हेरिएंट ओमिक्रॉन विषाणूची 59 हून अधिक देशांमध्ये आतापर्यंत एकूण 2,936 रुग्ण आढळले आहेत, अशी माहिती केंद्रीय आरोग्य आणि कुटुंब कल्याण मंत्रालयाने शुक्रवारी दिली. याशिवाय, 78,054 संभाव्य प्रकरणे आढळून आली असून त्यांचे नमुने जिनोम सिक्वेन्सिंगसाठी पाठविण्यात आले आहेत.

24 नोव्हेंबरपर्यंत केवळ 2 देशांमध्येच ओमिक्रॉनचे रुग्ण आढळले होते. देशात आतापर्यंत 25 ओमिक्रॉनचे रुग्ण आढळले आहेत. भारतात जे रुग्ण आढळले आहेत त्यांच्यमाध्ये सौम्य लक्षणे दिसून आली असल्याचे आरोग्य मंत्रालयाचे सहसचिव लव अग्रवाल यांनी सांगितले.

केरळ आणि महाराष्ट्रात अधिक रूग्ण

लव अग्रवाल यांनी दिलेल्या माहितीनुसार, गेल्या आठवड्यात देशातील पॉझिटिव्हटी रेट 0.73 टक्के आहे. केरळ आणि महाराष्ट्रात सक्रिय रुग्णांची संख्या सर्वाधिक असून केरळमध्ये सर्वाधिक 43 टक्के सक्रिय रूग्ण आहेत, तर महाराष्ट्रात ही संख्या 10 टक्के आहे.