पुणे : भारतीय सैन्य दलात महिलांच्या 'जनरल ड्युटी' (महिला सैन्य पोलिस) भरतीसाठी ऑनलाईन अर्ज भरण्याची प्रक्रिया सुरू करण्यात आली आहे. महिलांसाठी सुरू करण्यात आलेल्या या भरती प्रक्रियेसाठी ऑनलाईन नोंदणी अनिवार्य असून अर्ज भरण्यासाठी 31 ऑगस्ट पर्यंतचा कालावधी देण्यात आला आहे. याबाबतचे सूचना पत्र नुकतेच सैन्य दलाच्या अधिकृत संकेतस्थळावर जाहीर करण्यात आले आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा 

तर प्रक्रियेसाठी नोंदणी करण्यात आलेल्या महिला उमेदवारांना रॅलीची प्रवेश पत्रे नोंदणीकृत ई-मेलद्वारे पाठविली जातील. तसेच प्रवेश पत्रात दिलेल्या तारखेला आणि वेळेवर उमेदवारांना भरती प्रक्रियेसाठी हाजर राहणे आवश्यक आहे. तर यावेळी 99 जागांसाठी ही भरती प्रक्रिया घेण्यात येणार असून ती पुणे, अंबाला, लखनऊ, जबलपूर, बेंगळुरू आणि शिलॉंग येथे पार पडणार आहे. उमेदवारांना त्यांच्या मूळ जिल्ह्यांच्या आधारे भरती प्रक्रियेची जागा देण्यात येणार आहे. 

दरम्यान या भरती प्रक्रियेसाठी काही ठराविक पात्रता निकष देण्यात आले आहेत. तर या संबंधित अधिक माहिती तसेच ऑनलाईन अर्ज भरण्यासाठी www.joinindianarmy.nic.in या अधिकृत संकेतस्थळाचा वापर करावा.