ताजमहालमध्ये बंद असलेल्या २२ खोल्यांमध्ये हिंदू देवीदेवतांच्या मूर्ती आहेत, असा दावा भाजपाच्या एका पदाधिकाऱ्याने केला आहे. या खोल्या उघडून चौकशी करण्यात यावी, अशी याचिकाही या नेत्याने अलाहाबाद उच्च न्यायालयात दाखल केली आहे. लखनौ खंडपीठाकडे ही याचिका दाखल करण्यात आली आहे.
अयोध्येत भाजपाच्या सोशल मीडिया प्रभारींनी ही याचिका दाखल केली आहे. ताजमहालमधल्या २२ खोल्यांमध्ये हिंदू देवी-देवतांच्या मूर्ती आहे, असा दावा त्यांनी केला आहे. या खोल्या उघडा आणि तपास करण्याचे आदेश पुरातत्व विभागाने द्यावेत, असं या याचिकेत म्हटलं आहे.
या याचिकेत काही इतिहासकार आणि काही हिंदू गटांचा संदर्भही देण्यात आला आहे. त्यांच्या म्हणण्यानुसार, ताज महाल हा पूर्वी एक जुनं शंकराचं मंदिर होतं. काही लोकांचं असंही म्हणणं आहे की तेजो महालय अर्थात ताज महाल हे ज्योतिर्लिंगांपैकी एक ठिकाण आहे, असंही या याचिकेत म्हटलं आहे. ताजमहालमधल्या २२ खोल्या या कायमच्या बंद करण्यात आल्या आहेत. मात्र पी.एन.ओक आणि लाखो हिंदू भाविकांचा हा विश्वास आहे की या बंद खोल्यांमध्ये भगवान शंकरांचं अस्तित्व आहे, असा उल्लेखही या याचिकेत करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.