सध्या अग्निपथ योजनेवरुन देशात बरीच चर्चा रंगली आहे.ही योजना मागे घ्यावी, अशी मागणी जोर धरुन आहे.याविरोधात बिहारमध्ये जोरदार निदर्शने सुरु आहे. मंगळवारी आरजेडी आणि जेडीयू एकत्र असल्याचे दिसत होते कारण तेजस्वी यादव यांच्या घोषणेनंतर भाजपशिवाय एकही मंत्री-आमदार मंत्रालयात पोहोचला नाही तर या दरम्यान सुशील कुमार मोदी यांनी मंगळवारी ट्विट करत खुलासा केलाय की अजून सात दिवस बाकी असताना 56 हजाराहून अधिक तरुणांनी हवाई दलात अग्निवीर होण्यासाठी अर्ज केले. या योजनेसाठी अर्ज करण्याची 5 जुलै ही शेवटची तारीख आहे.

सुशील कुमार मोदी ट्वीट करत म्हणाले की, तरुणांनी एवढ्या मोठ्या संख्येने अर्ज करून सरकार आणि तिन्ही सेवांमध्ये अग्निशमन दलातील कर्मचाऱ्यांसाठी आरक्षण, प्राथमिकता आणि वयोमर्यादेत शिथिलता अशा अनेक मुद्द्यांवरील सरकारच्या आश्वासनावरुन होणारे अनेक गैरसमज दूर केले आहे. आता तरुणांनी कोणत्याही गोष्टीत न पडता जास्तीत जास्त संख्येने अग्निवीर बनण्याच्या संधीचा लाभ घ्यावा.

या योजनेबद्दल माहिती सांगताना सुशील कुमार मोदी म्हणाले की अग्निपथ योजना तरुणांना देशसेवा करण्याची संधी देते, परंतु कोणावरही बंधनकारक नाही. अग्निवीर झालेले तरुण पुढील शिक्षणही चालू ठेवू शकतात याशिवाय कोणत्याही स्पर्धा परीक्षेत बसू शकतात. त्यामुळे या योजनेमुळे यांचे कोणतेही नुकसान नाही.

५६ हजार अर्जदारांवर विरोधकांनी चांगलाच हल्लाबोल केलाय.बिहार विधानसभेच्या पावसाळी अधिवेशनाच्या तिसऱ्या दिवशी मंगळवारी आरजेडी-काँग्रेसच्या आमदारांनीनिदर्शने केली. यावेळी सीपीआई (एमएल) पक्षाचे नेते मेहबूब आलम म्हणाले की, अग्निपथ योजनेवर सभागृहात चर्चा झाली पाहिजे. अग्निपथ योजनेंतर्गत सुरू झालेल्या भरतीमध्ये एकही विद्यार्थी नाही. ते सर्व भाजप आणि आरएसएस संघाचे कार्यकर्ते आहेत, असा घणाघाती आरोपही त्यांनी केलाय. भाजप, आरएसएसचे कार्यकर्ते बेरोजगार आहेत, म्हणून ते या योजनेतून लष्करात जात असल्याचेही ते यावेळी म्हणाले.