नवी दिल्ली : नुकत्याच झालेल्या प्रतिष्ठीत अशा अॅकॅडमी अवॉर्ड्समध्ये अर्थात ऑस्कर पुरस्कारावर मोहोर उमटवलेल्या 'द इलेफंट व्हिस्पर्स' या माहितीपटाच्या टीमनं नुकतीच पंतप्रधान नरेंद्र मोदी यांची भेट घेतली. यावेळी मोदींनी त्यांचं विशेष कौतुक केलं आणि "भारताला तुमचा अभिमान आहे", असं टिप्पणीही केली. (Oscar winner The Elephant Whisperers team meets PM Modi)

द इलेफंट व्हिस्पर्स या माहितीपटाच्या निर्मात्या गुनीत मोंगा आणि दिग्दर्शक कार्तिकी गोन्साल्विस यांनी पंतप्रधान नरेंद्र मोदी यांची गुरुवारी भेट घेतली. यावेळी पंतप्रधानांनी या दोघांचंही कौतुक केलं. "द एलिफंट व्हिस्परर्स'च्या तेजानं आणि यशानं जागाचं लक्ष वेधून घेतलं आहे आणि भारताची प्रशंसाही केली आहे, आज मला याच्या तेजस्वी टीमला भेटण्याची संधी मिळाली, त्यांचा भारताला खूप अभिमान आहे," अशा शब्दांत पंतप्रधानांनी त्यांचं कौतुक केलं.