नवी दिल्ली : दिल्ली विधानसभेची निवडणूक जवळ येते आहे, तसे अरविंद केजरीवाल हनुमान चालिसा गाताना दिसत आहेत. एक दिवस असदुद्दीन ओवेसीही हनुमान चालिसा म्हणताना दिसतील, अशा शेलक्या शब्दांत योगी आदित्यनाथ यांनी आज टीकास्त्र सोडले.
मतदानाची तारीख जवळ येत असल्याने प्रचार सभांचा जोर वाढतो आहे. भाजपचे नेते केजरीवाल यांच्याविरोधात आक्रमक झाले आहेत. अरविंद केजरीवाल यांच्यावर उत्तर प्रदेशचे मुख्यमंत्री योगी आदित्यनाथ यांनी टीकास्त्र सोडले. एमआयएमचे खासदार असदुद्दीन ओवेसी यांच्यावरही त्यांनी निशाणा साधला आहे.
केजरीवाल यांनी एका वृत्तवाहिनीवर मुलाखतीदरम्यान आपण हनुमानभक्त असल्याचे सांगितले होते, तसेच हनुमान चालिसेतील काही भाग म्हणूनही दाखविला. त्यावर आदित्यनाथ यांनी टीका केली आहे. ""केजरवाल आता हनुमान चालिसा म्हणत आहेत. ओवेसीही लवकरच म्हणतील. आपल्या एकतेचा हा विजय आहे. भाजपच्या कार्यकर्त्यांनी असेच एकत्र राहिले पाहिजे. आपल्या एकतेमुळे 20 टक्क्यांच्या व्होट बॅंकेचे राजकारण जमिनीत गाडले जाईल,'' असे आदित्यनाथ यांनी म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.