Passenger vehicle sales नवी दिल्ली- प्रवासी वाहनांच्या विक्रीत जुलै महिन्यात 45 टक्क्यांनी वाढ झाली आहे. 2021 च्या जुलैमध्ये 2,64,442 युनिटची विक्री झाली आहे, ही संख्या मागील वर्षी याच महिन्यात 1,82,779 इतकी होती. सोसायटी ऑफ इंडियन ऑटोमोबाईल मॅन्युफॅक्चरर्सने Society of Indian Automobile Manufacturers (SIAM) गुरुवारी यासंदर्भातील माहिती जाहीर केलं आहे. एएनआयने यासंदर्भातील वृत्त दिलंय. (National Latest News)

सोसायटी ऑफ इंडियन ऑटोमोबाईल मॅन्युफॅक्चरर्सच्या माहितीनुसार, टू-व्हीलरची OEMकडून डिलरकडे झालेल्या डिस्पॅचमध्ये दोन टक्क्याची घट झालीये. जुलै महिन्यात 12,53,937 युनिट टू-व्हीलर डिलरला देण्यात आले होते. मागील वर्षी याच महिन्यात 12,81,354 युनिट टू-व्हीलर डिस्पॅच झाले होते. मोटार सायकल विक्री मागील महिन्यात 8,37,096 युनिटची झाली. मागील वर्षी जुलै महिन्यात 8,88,520 युनिटची विक्री झाली होती. स्कूटरच्या विक्रीत दहा टक्क्यांनी वाढ झालीये. 3,66,292 युनिट विकले गेले आहेत.

थ्री-व्हीलरच्या विक्रीत 41 टक्क्यांनी वाढ झालीये. जुलै महिन्यात 17,888 युनिटची विक्री झाली आहे, मागील वर्षी याच महिन्यात 12,728 युनिटची विक्री झाली होती. व्यावसायिक वाहने वगळता 15,36,269 युनिटची विक्री झाली आहे. मागील वर्षी याच महिन्यात 14,76,861 युनिटची विक्री झाली होती.

जुलै महिन्यातील डेटावर बोलताना सोसायटी ऑफ इंडियन ऑटोमोबाईल मॅन्युफॅक्चरर्स डायरेक्ट जनरल राजेश मेनन म्हणाले की, भारतीय ऑटोमोबाईल सेक्टर अनेक अडचणींमधून जात आहे. जगभरात सेमी-कंडक्टरचा तुटवडा आहे. तसेत सुट्या पार्ट्सच्या किंमतीत वाढ झाली आहे. लोकांची सुरक्षा लक्षात घेत इंडस्ट्री चेन सप्लाय सुरळीत ठेवण्याचा प्रयत्न करत आहे. तसेच कंपनीकडून संभाव्या तिसऱ्या लाटेबाबतची काळजी घेतली जात आहे.