JDU vs RJD
JDU vs RJD esakal
देश

JDU चा RJD ला दुहेरी झटका; प्रदेशाध्यक्षांच्या मुलाचा पक्षात जाहीर प्रवेश

सकाळ डिजिटल टीम

अजित सिंह यांचा जेडीयूमध्ये प्रवेश होणं हा आरजेडीसाठी मोठा धक्का मानला जात आहे.

पाटणा : जनता दल युनायटेडनं (JDU) राष्ट्रीय जनता दलाला (RJD) एकापाठोपाठ दोन धक्के दिले आहेत. जेडीयूनं सर्वप्रथम नवाडा येथून अपक्ष आमदार अशोक यादव यांना पक्षात प्रवेश दिला. त्यानंतर त्याचवेळी जेडीयूनं आरजेडीचे प्रदेशाध्यक्ष जगदानंद सिंह (Jagdanand Singh) यांचे पुत्र अजित सिंह यांचा पक्षात समावेश करून आरजेडीला दुसरा धक्का दिला. आज (मंगळवार) जेडीयूमध्ये प्रवेश करताना जगदानंद सिंह यांच्या मुलानं आरजेडीवर जोरदार हल्लाबोल केलाय. यावेळी जेडीयूचे राष्ट्रीय अध्यक्ष ललन सिंह (Lalan Singh) यांनीही आरजेडीवर निशाणा साधताना जगदानंद सिंग यांना जेडीयूत येण्याची ऑफर दिलीय.

जगदानंद सिंह यांचा मुलगा अजित सिंह (Ajit Singh) हा फारसा ओळखीचा नाहीय. मात्र, त्यांना जेडीयूमध्ये सामावून घेण्यासाठी ललन सिंह यांच्यासह पक्षाचे अनेक ज्येष्ठ नेते जेडीयू कार्यालयात पोहोचले होते. जगदानंद सिंह यांच्या मुलाचा जेडीयूमध्ये समावेश करण्यामागं पक्षाला आरजेडीला मानसिक धक्का द्यायचा आहे, हे यावरून स्पष्ट झालंय. जेडीयूचे राष्ट्रीय अध्यक्ष ललन सिंह आणि पक्षाचे प्रदेशाध्यक्ष उमेश कुशवाह यांनी आरजेडीवर हल्लाबोल करत अजित सिंह यांचा जेडीयूमध्ये प्रवेश महत्त्वाचा असल्याचं म्हंटलंय.

राजद हा पैसा असलेला पक्ष आहे. या पक्षानं माझ्या वडिलांसह अनेक ज्येष्ठ नेत्यांचा अपमान केलाय. अजित सिंह यांनी राजद हा सवर्णविरोधी पक्ष असल्याचाही आरोप केलाय. अजित यांनी आरजेडीवर विशेषतः तेजस्वी यादव यांच्यावर गंभीर आरोप करत पक्ष सोडलाय. यापूर्वी दिवंगत रघुवंश सिंह यांचा मुलगाही जेडीयूमध्ये दाखल झाला आहे. आता जगदानंद सिंह यांचा मुलगा अजित सिंह यांचा जेडीयूमध्ये प्रवेश होणं हा आरजेडीसाठी मोठा धक्का मानला जात आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Loksabha Election 2024 : ‘असली- नकली’चा वाद! नाशिक, कल्याणमधून मोदींची ठाकरेंवर टीका

Nana Patole : मोदींचा मुस्लिम द्वेष पुन्हा दिसला

Pandharpur News : भाविकांना जूनपासून होणार विठूरायाचे पदस्पर्श दर्शन

Team India Coach: फ्लेमिंग बनणार टीम इंडियाचा नवा प्रशिक्षक? CSK च्या सीईओकडून आले स्पष्टीकरण

Pune Crime : व्यवसायात भागीदारीसाठी तगादा लावल्याने तरुणाने संपविले जीवन

SCROLL FOR NEXT