Petrol Diesel Rate : दोन दिवसांपूर्वी भारतात पेट्रोल डिझेलच्या दरात मोठी घसरण झाली होती. त्यानंतर आता भारतीय तेल कंपन्यांनी जनतेला दिलासा देत नवे दर जाहीर केले आहेत. आज पेट्रोल डिझेलच्या भावात कोणतीही वाढ करण्यात आलेले नाही त्यामुळे जनतेला दिलासा मिळणार आहे. २१ मे ला केंद्र सरकारने उत्पादन शुल्क कमी केल्यानंतर इंधनाच्या दरात मोठी कपात झाल्याचं पाहायला मिळालं होतं.

(Petrol Diesel Rate 24 May)

दरम्यान २१ मे रोजी केंद्र सरकारकडून पेट्रोलवर ८ आणि डिझेलवर ६ रूपये उत्पादन शुल्क कमी करण्यात आलं होतं. त्यानंतर पेट्रोल आणि डिझेलचे प्रत्येकी ९.५० आणि ७ रूपयांनी दर कमी झाले होते. त्यानंतर राज्य सरकारनेही जनतेला दिलासा देत व्हॅट कमी करण्याचा निर्णय घेतला होता. त्यानंतर पेट्रोल आणि डिझेल वरील किंमती अनुक्रमे २.८ रुपये आणि १.४४ रुपयांनी कमी करण्यात आल्या होत्या.

नव्या दरानुसार मुंबईत पेट्रोल १०९.२७ रुपये तर डिझेल ९५.८४ रुपये प्रतीलिटर प्रमाणे मिळणार आहे. दरम्यान दिल्लीत आज सकाळपासून नवे दर लागू झाले आहेत. दिल्लीत ९६.७२ रुपये प्रतीलिटर पेट्रोल तर ८९.६३ रुपये प्रतीलिटर डिझेल मिळणार आहे. त्याचबरोबर महाराष्ट्रातही वेगवेगळ्या शहरानुसार किंमतीत बदल आहेत. आज पुण्यात पेट्रोल १११.०४ तर डिझेल ९५.९० रुपये प्रतीलिटर मिळणार आहे. तसेच कोल्हापूर, नाशिक, नागपूरमध्ये १११ रुपये प्रतीलिटर प्रमाणे पेट्रोल मिळणार आहे. दरम्यान शहरानुसार इंधनाच्या किंमतीत बदल होऊ शकतात.