भोपाळ : मध्य प्रदेश पोलिसांनी पॉप्युलर फ्रंट ऑफ इंडिया (Popular Front of India PFI) या प्रतिबंधित संघटनेच्या तीन सदस्यांना अटक केलीये. त्यांच्यावर सरकारविरोधात कट रचल्याचा आणि बेकायदेशीर कामात सहभागी असल्याचा आरोप आहे.

त्यानंतर पोलिसांनी पीएफआय या प्रतिबंधित संघटनेच्या तीन सदस्यांना अटक केली. रविवारी तिघांनाही अटक केल्याची माहिती एका अधिकाऱ्यानं दिली आहे.

यासोबतच, पोलिसांनी गेल्या काही दिवसांत प्रतिबंधित संघटनेच्या चार जणांनाही ताब्यात घेतलंय. मध्य प्रदेशची राजधानी भोपाळमध्ये शनिवारी PFI संघटनेच्या दोन सदस्यांना अटक करण्यात आली. तर, तिसऱ्याला महाराष्ट्रातील औरंगाबाद येथून अटक केली. एमपी पोलिसांच्या (MP Police) स्पेशल टास्क फोर्सनं गेल्या वर्षी दाखल केलेल्या गुन्ह्याच्या संदर्भात त्याला अटक केलीये.

'या' कलमान्वये गुन्हा दाखल

पोलिसांनी सांगितलं की, गुलाम रसूल शाह (वय 37, रा. धार), साजिद खान उर्फ ​​गुलाम नबी (56, रा. इंदोर) आणि परवेझ खान (30, रा. औरंगाबाद) अशी अटक करण्यात आलेल्या आरोपींची नावं आहेत. त्यांच्यावर कलम 121 ए (सरकारविरुद्ध कट रचणे), 153 बी आणि 120 बी (गुन्हेगारी कट) अंतर्गत गुन्हा दाखल करण्यात आला आहे.