पंतप्रधान नरेंद्र मोदी हे सरदार वल्लभभाई पटेल राष्ट्रीय पोलिस अॅकडमीतील प्रशिक्षणार्थी आयपीएस अधिकाऱ्यांशी संवाद साधत आहेत. व्हिडिओ कॉन्फरन्सच्या माध्यमातून मोदी संवाद साधत असून यावेळी ते अधिकाऱ्यांशी चर्चासुद्धा करत आहेत. यावेळी मोदी प्रशिक्षणार्थी अधिकाऱ्यांना सांगितलं की, तुमच्यासारख्या तरुणांवर मोठी जबाबदारी आहे.

पंतप्रधान नरेंद्र मोदी यांनी ट्विटरवरून याबाबत माहिती दिली. त्यांनी म्हटलं की, सकाळी 11 वाजता सरदार वल्लभभाई पटेल राष्ट्रीय पोलिस अकादमीचे प्रशिक्षणार्थी अधिकाऱ्यांशी संवाद साधणार आहे. हे प्रशिक्षणार्थी अधिकारी येत्या काही वर्षात महत्त्वाच्या जबाबदाऱ्या सांभाळणार आहेत. यावेळी केंद्रीय गृहमंत्री अमित शहा आणि राज्यमंत्री नित्यानंतर राय हेसुद्धा उपस्थित असणार आहेत.

सरदार वल्लभभाई पटेल राष्ट्रीय पोलिस अकादमी देशातील प्रमुख पोलिस प्रशिक्षण संस्था आहे. इथं भारतीय पोलिस सेवेतील आधिकाऱ्यांना प्रशिक्षण दिलं जातं आणि सेवेत असलेल्या अधिकाऱ्यांसाठी वेगवेगळ्या सेवांसाठीचा अभ्यासक्रमही शिकवला जातो.