पंतप्रधान नरेंद्र मोदी हे दोन दिवसांच्या गुजरात दौऱ्यावर आहेत. यात पहिल्या दिवशी ते गांधीनगरला पोहोचले. पंतप्रधान नरेंद्र मोदी यांनी दोन वर्षांनी त्यांच्या आईची भेट यावेळी घेतली. याआधी ते ऑक्टोबर २०१९ मध्ये आई हिराबेन यांना भेटले होते.

पंतप्रधान नरेंद्र मोदी यांनी गांधीनगरमधील निवासस्थानी आईची भेट घेतली, यावेळी पंतप्रधान मोदींनी आईसोबत जेवणसुद्धा केलं. पंतप्रधान नरेंद्र मोदी यांनी आई हिराबेन यांच्या पाया पडत त्यांचे आशीर्वादही घेतले.

उत्तर प्रदेशात चार राज्यांमध्ये यश मिळाल्यानतंर मोदींनी गुजरातमध्ये मतदारांशी संवाद साधण्यासाठी १० किमी रोड शोसुद्धा केला. पंतप्रधान मोदींनी रोड शोवेळी म्हणाले की, गुजरात महात्मा गांधी आणि सरदार पटेल यांची भूमी आहे. गांधीजींना ग्रामीण विकास आणि गावांना आत्मनिर्भर बनवायचं होतं. ग्राम स्वराज्याचं स्वप्न साकार करण्यासाठी पंचायतराज व्यवस्था मजबूत करण्याची गरज असल्याचं मोदी म्हणाले.