नवी दिल्ली - पंतप्रधान नरेंद्र मोदी यांनी अमेरिकेचे राष्ट्राध्यक्ष ज्यो बायडेन यांच्याशी फोनवरून चर्चा केली. मोदींनी बायडेन यांच्या यशाबद्दल अभिनंदन करत शुभेच्छा दिल्या. ट्विटरवरून मोदींनी याची माहिती दिली आहे. बायडेन यांनी 20 जानेवारी रोजी अमेरिकेचे 46 वे राष्ट्राध्यक्ष म्हणून शपथ घेतली. भारत अमेरिके यांच्या द्विपक्षीय संबंधांच्या पार्श्वभूमीवर ही चर्चा महत्त्वाची मानली जात आहे. 

बायडेन यांनी निवडणूक जिंकल्यानंतर अमेरिकेत अनेक नाट्यमय घडामोडी घडल्या. बायडेन राष्ट्राध्यक्ष झाल्यानंतर अमेरिकेचे भारतासोबतचे संबंध कसे असतील यावर अनेक तर्क वितर्क लावले जात होते. याच पार्श्वभूमीवर बायडेन आणि मोदी यांच्यात चर्चा झाली. 

हे वाचा - PM मोदींच्या भाषणानंतर राकेश टिकैत म्हणे, आम्ही कुठं म्हटलं MSP होणार बंद

मोदींनी ट्विटरवरून सांगितलं की, ज्या बायडेन यांच्याशी चर्चा केली आणि त्यांना यशासाठी शुभेच्छा दिल्या. आम्ही देशांच्या मुद्यांवर चर्चा केली. वातावरण बदलाच्या विरोधात सहकार्य वाढवण्याबाबतही एकमत झाले. ज्यो बायडेन आणि मी एका नियम आधारित आंतरराष्ट्रीय व्यवस्थेसाठी कटिबद्ध आहोत. आम्ही भारतीय उपखंडात शांतता आणि सुरक्षेसाठी आपले संबंध आणखी भक्कम करण्यासाठी तत्पर आहे असंही मोदींनी म्हटलं.