अमेरिकेचे राष्ट्राध्यक्ष जो बिडेन यांच्या निमंत्रणावरून पंतप्रधान नरेंद्र मोदी (PM Narendra Modi) १२ मे रोजी दुसऱ्या ग्लोबल कोविड व्हर्च्युअल समिट (Global Covid Summit) मध्ये सहभागी होतील. अमेरिकेचे राष्ट्राध्यक्ष जो बिडेन यांनी त्यांना यासाठी आमंत्रित केले आहे.

22 सप्टेंबर रोजी बिडेन यांनी आयोजित केलेल्या पहिल्या ग्लोबल कोविड व्हर्च्युअल समिटमध्येही मोदी सहभागी झाले होते. दरम्यान पंतप्रधान मोदी हे या व्हर्च्युअल समिटच्या उद्घाटन सत्रात, 'Pendemic Fatigue आणि 'Prioritize Preparedness' या विषयावर आपले विचार मांडणार आहेत, अशी माहिती भारताच्या परराष्ट्र मंत्रालयाकडून देण्यात आली आहे.

सर्वांसाठी सुरक्षित आणि परवडणाऱ्या लसी, औषधे, चाचणी आणि उपचारांसाठी कमी किमतीच्या स्वदेशी तंत्रज्ञानाचा विकास, जीनोमिक सर्व्हेलन्स आणि आरोग्य सेवा कर्मचार्‍यांमध्ये क्षमता निर्माण करून साथीच्या रोगाचा सामना करण्यासाठी सुरू असलेल्या जागतिक प्रयत्नांमध्ये भारत महत्त्वाची भूमिका बजावत असल्याचे परराष्ट्र मंत्रालयाने म्हटले आहे.