पंतप्रधान नरेंद्र मोदी यांनी कांकेर येथील राहणाऱ्या आकांक्षा ठाकूरला आठवणीने पत्र लिहीलं आहे. आकांक्षा ठाकूर ही चिमुरडी दोन नोव्हेंबर रोजी छत्तीसगड येथील कांकेर येथे झालेल्या पीएम नरेंद्र मोदी यांच्या सभेला त्यांचं स्केच घेऊन गेली होती. तेव्हा पंतप्रधानांनी ते स्केच स्वीकारलं होतं. यावेळी त्यांनी त्या स्केचच्या मागे तिला स्वतःचा पत्ता लिहायला सांगितला होता, तसेच मी तुला पत्र लिहीन असं अश्वासन देखील दिलं होतं. यानंतर पंतप्रधान मोदींनी आकांक्षा ठाकूरला पत्र लिहीलं आहे.

पंतप्रधान नरेंद्र मोदी यांनी आकांक्षाला लिहीलेल्या पत्रात तिला आशीर्वाद दिले आहेत. पंतप्रधान मोदी यांनी लिहीलं की, "प्रिय आकांक्षा, शुभेच्छा आणि आशीर्वाद. कांकेर कार्यक्रमात तू माझ्यासाठी आणलेले स्केच माझ्यापर्यंत पोहोचले आहे. या प्रेमळ अभिव्यक्तीबद्दल खूप खूप आभार. भारताच्या मुली या देशाचे उज्ज्वल भविष्य आहेत. तुम्हा सर्वांकडून मिळालेले हे प्रेम आणि आपुलकी हीच देशसेवेच्या कामातील माझी शक्ती आहे. आपल्या मुलींसाठी एक निरोगी, सुरक्षित आणि सुसज्ज राष्ट्र निर्माण करणे हे आमचे ध्येय आहे."

पीएम मोदींनी पत्रात काय लिहिले?

पीएम मोदींनी पत्रात पुढे लिहिले की, छत्तीसगडच्या लोकांकडून मला नेहमीच खूप प्रेम मिळाले आहे. देशाच्या प्रगतीच्या वाटचालीत राज्यातील जनतेनेही उत्स्फूर्तपणे योगदान दिले आहे. पुढची २५ वर्षे तुमच्या सारख्या तरुण मित्रांसाठी आणि देशासाठी महत्त्वाची असणार आहेत. या वर्षांत आपली तरुण पिढी, विशेषत: तुमच्यासारख्या मुली त्यांची स्वप्ने पूर्ण करतील आणि देशाच्या भविष्याला नवी दिशा देतील. पीएम मोदींनी लिहिले की, तु खूप अभ्यास कर, पुढे जा आणि तुमच्या यशाने तुमच्या कुटुंबाला, समाजाला आणि देशाला गौरव मिळवून द्या. मी तुम्हाला उज्ज्वल भविष्यासाठी शुभेच्छा देतो.

छत्तीसगड मध्ये 2 नोव्हेंबरला कांकेरमध्ये झालेल्या पीएम मोदींच्या निवडणूक रॅलीसाठी शहरात राहणारे दिनेश ठाकूर हे त्यांची १० वर्षांची मुलगी आकांक्षा ठाकूर हिला घेऊन आले होते. येथे आकांक्षा ठाकूरने पीएम मोदींचे स्केच आणले होते. स्केच पाहिल्यानंतर पीएम मोदींनी त्याचे कौतुक केले आणि त्यांना नक्कीच पत्र लिहिणार असल्याचे सांगितले.