युक्रेन आणि रशिया यांच्यातील युध्दाच्या पार्श्वभूमीवर उद्या पंतप्रधान नरेंद्र मोदी हे अमेरिकेचे राष्ट्राध्यक्ष जो बायडन यांच्यासोबत व्हर्चुअस बैठक घेणार आहेत. या बैठकीत दोन्ही नेते सध्या सुरू असलेल्या द्विपक्षीय सहकार्याचा आढावा घेतील, असे परराष्ट्र मंत्रालयाने (MEA) रविवारी सांगितले.

पंतप्रधान मोदी आणि राष्ट्राध्यक्ष बायडेन दक्षिण आशियातील अलीकडील घडामोडी, इंडो-पॅसिफिक प्रदेश आणि परस्पर हितसंबंधांच्या जागतिक मुद्द्यांवरही चर्चा करतील. द्विपक्षीय सर्वसमावेशक जागतिक धोरणात्मक भागीदारी आणखी मजबूत करण्याच्या उद्देशाने व्हर्चुअल बैठक महत्वाची ठरणार आहे. रशियाने युक्रेनवर केलेल्या आक्रमाणाच्या पार्श्वभूमीवर ही बैठक महत्वाची ठरेल असे मानले जात आहे.

दरम्यान 11 एप्रिल रोजी पंतप्रधान नरेंद्र मोदी अमेरिकेचे राष्ट्राध्यक्ष जोसेफ आर बायडन यांच्याशी व्हर्चुअल बैठक घेतील.हे दोन्ही नेते सध्या सुरू असलेल्या द्विपक्षीय सहकार्याचा आढावा घेतील आणि दक्षिण आशियातील अलीकडील घडामोडी, इंडो-पॅसिफिक प्रदेश आणि परस्पर हितसंबंधांच्या जागतिक मुद्द्यांवर विचार विनिमय करतील अशी माहिती परराष्ट्र मंत्रालयाकडून देण्यात आली आहे.

भारत-अमेरिका यांच्यात 2+2 मंत्रिस्तरीय बैठक होईल ज्याचे नेतृत्व संरक्षण मंत्री राजनाथ सिंह आणि MEA एस जयशंकर भारताच्या बाजूने करतील आणि त्यांचे यूएस समकक्ष, संरक्षण सचिव लॉयड ऑस्टिन आणि परराष्ट्र सचिव अँटनी ब्लिंकन हे या चर्चेत सहभागी होतील.