नवी दिल्ली - लोकसभेत विरोधकांनी आणलेल्या अविश्वास प्रस्तावावर आज पंतप्रधान नरेंद्र मोदी यांनी चौफेर फटकेबाजी करताना ऐतिहासिक भाषण केलं. यावेळी त्यांनी सर्वाधिक वेळ भाषण करत केंद्रीय गृहमंत्री अमित शहांसह अनेक नेत्यांचा विक्रम मोडीत काढला आहे.

याआधी बुधवारी अमित शहा यांनी सर्वाधिक वेळ सभागृहात भाषण करण्याचा विक्रम केला होता. शहांनी २ तास १३ मिनिटींचं आजपर्यंतच सर्वात प्रदीर्घ भाषण करून ५८ वर्षे जुना विक्रम मोडीत काढला होता. अमित शहा यांनी केंद्र सरकारच्या कामगिरीवर भाष्य केलं होतं. मात्र शहांचा हा विक्रम अवघा एकच दिवस आबाधीत राहिला आहे.

अमित शहांच्या आधी, १९६५ मध्ये माजी पंतप्रधान लाल बहादूर शास्त्री यांनी अविश्वास प्रस्तावावरील चर्चेत २ तास १२ मिनीटे भाषण केलं होतं. मात्र आज मोदींनी दोन तास १३ मिनिट 53 सेकंद भाषण करून सर्व विक्रम मोडीत काढले आहेत.