नवी दिल्ली : देशाला आता १०० कोटींचे कोरोना लशींचे मजबूत कवच मिळाले आहे. ते कोरोना महामारीला १०० वर्षे लढा देईल, असे पंतप्रधान नरेंद्र मोदी (PM Narendra Modi) म्हणाले. आज गुरुवारी (ता.२१) भारताने १०० कोटी कोरोना लसीकरणाचा टप्पा पार केला आहे. त्यानिमित्त ते बोलत होते. भारताने इतिहास घडवला आहे. हा भारतातील विज्ञान, उद्योग, भारतीयांचा सामुहिक शक्तीचा विजय (Covid Vaccine) असल्याचे मोदींनी या प्रसंगी सांगितले.

सोशल मीडियावरही धन्यवाद मोदीजी असा ट्रेंड सुरु आहे. आज केंद्रीय आरोग्यमंत्री डाॅ. मनसूख मांडविया यांनी, ना हम रुके कहीं, ना हम डिगे कही | शत्रु हो कोई भी हम झुके नहीं, दुश्मन के शस्त्र जो हो हजार | शत कोटि कवच से हम तैयार, या नवीन गाण्याची चित्रफित आपल्या सोशल मीडिया हँडलवरुन प्रसिद्ध केले आहे.