आगामी काळातील उत्तर प्रदेशच्या विधानसभा निवडणुकांसाठी भाजपने चांगलाच जोर धरला आहे. त्यासाठी पंतप्रधान नरेंद्र मोदींसह भाजपच्या दिग्गज नेत्यांची फौज सध्या उत्तर प्रदेशमध्ये उतरली आहे. या निवडणुकीची धुरा नरेंद्र मोदी यांच्या खांद्यावर असल्याचं पाहायला मिळतंय. याच पार्श्वभूमिवर पंतप्रधान नरेंद्र मोदी काही दिवसांपूर्वी वाराणसीमध्ये गेले होते. त्यावेळी काही कर्मचारी हे अनवाणी पायानेच काम करत असल्याचं त्यांनी पाहीलं. पंतप्रधान नरेंद्र मोदींनी त्या सर्व कर्मचाऱ्यांसाठी ज्युटच्या चपला पाठवल्या आहेत.

काशी विश्वनाथ धाम मंदिराच्या आवारात चामड्याची किंवा रबराची पादत्राण निषिद्ध असल्यामुळे मंदिरातील कर्मचारी अनवाणी पायानेच काम करतात. हे लक्षात आल्यानंतर पंतप्रधान नरेंद्र मोदी यांनी 'काशी विश्वनाथ धाम' येथील कामगारांसाठी ज्युट चपलांच्या 100 जोड्या पाठवल्या आहेत.