नवी दिल्ली : देशाकडे डोळे वटारुन जे कोणी पाहत होते. या सर्वांना भारताने धडा शिकवला आहे. भारतमातेकडे डोळे वर करुन पाहाल तर तुमचे डोळे काढून घेण्याची ताकद आमच्यात आहे, हे भारतीय लष्करातील जवानांनी दाखवून दिले आहे, असे प्रतिपादन पंतप्रधान नरेंद्र मोदी यांनी 'मन की बात' या कार्यक्रमात केले. तसेच जे जवान हुतात्मा झाले आहेत, त्याबद्दल संपूर्ण देशाला अत्यंत दुःख होत आहे, असेही ते म्हणाले. 

ताज्या बातम्यांसाठी डाऊनलोड करा ई-सकाळचे ऍप

भारताने आत्तापर्यंत अनेक संकटांचा सामना केला. परंतु फक्त एका वर्षात अनेक संकटांचा सामना आपण केला आहे. त्यामुळे आता डगमगून जाण्याची गरज नाही. अनेक संकटांचा सामना करत आपल्याला पुढे जायचे आहे. या वर्षातच आपल्याला नवी स्वप्नं पाहायची आहेत, हे कुणीही विसरु नये. मला 130 कोटी भारतीयांवर पूर्ण विश्वास आहे. तसेच संकट कितीही मोठे असले तरीही भारताचे संस्कार हे निस्वार्थ भावनेने सेवेची प्रेरणा देत आहेत, हे अत्यंत महत्त्वाचे आहे.

पुण्याच्या बातम्या वाचण्यासाठी येथे ► क्लिक करा

हुतात्मा जवानांच्या कुटुंबाबाबत अभिमान

ज्या जवानांनी देशासाठी आपल्या प्राणाची आहुती दिली अशा हुतात्मा जवानांच्या कुटुंबाबाबत आम्हाला अभिमान आणि गर्व आहे, असेही पंतप्रधान मोदी यांनी सांगितले. याशिवाय ज्या कुटुंबातील जवान हुतात्मा झाले, त्यांनीही घरातील दुसऱ्या मुलांना सैन्यातच भरती करणार असे म्हटले आहे. 

कोरोना संकटाबाबत कोणतीही पूर्वकल्पना नाही

कोरोना व्हायरसचे संकट वाढत आहे. त्यावर आपण अनेकदा बोलत आहोत. अनेकांना वाटत आहे, की हे वर्ष कधी संपेल. कोणी म्हणते की हे वर्ष शुभ नाही. लोकांना वाटते की हे वर्ष लवकर संपावे. कोरोनाचे संकट येणार हे आपल्याला सहा-सात महिन्यांपूर्वी कुठे ठाऊक होते? असे पंतप्रधान नरेंद्र मोदी यांनी म्हटले आहे. 

हे वर्ष अशुभ नाही

निसर्ग, अम्फान यासारखी चक्रीवादळे येऊन गेली. पण शेजारी देश कुरापती काढत आहे. तरीही आपण सगळ्या संकटांना तोंड देत आहोत. हे वर्ष अशुभ नाही हे लक्षात घ्या. 

पुण्याच्या बातम्या वाचण्यासाठी येथे ► क्लिक करा