Social Media Policy : ड्युटीवर असताना सोशल मीडियावर वावरणाऱ्या पोलिसांवर यूपीच्या योगी सरकारने कडक कारवाई केली आहे. आता कोणत्याही पोलीस कर्मचाऱ्याला कर्तव्यावर असताना वैयक्तिक वापरासाठी फेसबुक, इन्स्टाग्राम आदी सोशल मीडिया प्लॅटफॉर्मचा वापर करता येणार नाही. 

ड्युटी संपल्यानंतरही गणवेशात रिल्स बनविण्यास बंदी घालण्यात आली आहे. कामाच्या ठिकाणाहून सोशल मीडिया प्लॅटफॉर्मवर थेट प्रक्षेपण देखील प्रतिबंधित आहे. योगी सरकारने बुधवारी पोलिसांसाठी नवीन सोशल मीडिया पॉलिसी जारी केली. 

उत्तर प्रदेशचे पोलीस महासंचालक डीएस चौहान यांच्या मंजुरीनंतर योगी आदित्यनाथ सरकारने यासंदर्भातील आदेश जारी केला आहे. ड्युटीवर असताना पोलीस कर्मचाऱ्यांना सोशल मीडिया साइटचा वापर करता येणार नाही.

उत्तर प्रदेश पोलिस कर्मचार्‍यांसाठी जारी केलेल्या सोशल मीडिया पॉलिसीनुसार, पोलीस स्टेशन, ऑफिसची तपासणी आणि पोलीस ड्रिल किंवा फायरींग सहभागी होण्याचे लाईव्ह करणे यापुढे शक्य होणार नाही.  

कारवाईशी संबंधित व्हिडिओ सोशल मीडियावर अपलोड करण्यासही बंदी घालण्यात आली आहे. असे कोणतेही कृत्य गोपनीयता धोरणाचे उल्लंघन मानले जाईल.