नवी दिल्ली: किर्गिस्तानातून (Kyrgyzstan) भारतात येऊन स्थायिक झालेली महिला आणि तिचा एक वर्षाचा मुलगा घरामध्ये मृतावस्थेत आढळले. दोघांची निर्घृणपणे हत्या (Murder) करण्यात आली. मिस्कल झुमाबेवा (२८) असे मृत महिलेचे नाव आहे. हत्येच्यावेळी ती एका मित्राच्या घरामध्ये (home) होती. दक्षिणपूर्व दिल्लीतील (delhi) कालकाजी भागामध्ये घरामध्ये मंगळवारी सकाळी दोघे मृतावस्थेत आढळले. पोलिसांनी ही माहिती दिली.

मिस्कल झुमाबेवा आणि तिचा एक वर्षाचा मुलगा मानसचा बिछान्यावर मृतदेह पडलेला होता. छातीवर आणि शरीराच्या अन्य भागांवर जखमा होत्या. मृत महिला पाच महिन्यांची गर्भवती होती. विनय चौहानसोबत तिचे लग्न झाले होते. ग्रेटर कैलाश येथे ती नवऱ्यासोबत राहत होती. या जोडप्याच्या लग्नाला दोनपेक्षाजास्त वर्ष झाली होती. त्यांना १३ महिन्यांचा एक मुलगाही आहे.

विनय चौहान यांचा गेस्ट हाऊसचा बिझनेस होता. घटना घडली, त्यावेळी महिला आणि तिचा मुलगा कालकाजी येथे मित्राच्या घरी होते. मित्रांनी मिस्कलच्या मृत्यूची बातमी दिल्यानंतर विनयने पीसीआर कॉल करुन पोलिसांना माहिती दिली. पोलिसांनी हत्येचा गुन्हा दाखल केला असून पुढील तपास सुरु आहे. आरोपींना शोधून हत्येचे कारण शोधून काढण्याचा पोलिसांचा प्रयत्न आहे.