भारताला स्वातंत्र्य मिळून ७६ वर्ष पूर्ण झाले. या काळात भारताने शून्यातून सुरवात करत देशाची अर्थव्यवस्था मजबूत केली. स्वातंत्र्यदिनाच्या पूर्वसंध्येला राष्ट्रपती द्रौपदी मुर्मू यांनी देशासाठी एक संदेश दिलाय. त्यांनी या संदेशात महिलांच्या आर्थिक सशक्तीकरणावर भर दिलाय. आर्थिक सशक्तीकरणामुळे कुटुंबात आणि समाजात महिलांची स्थिती मजबूत होते, असे मत राष्ट्रपती मुर्मूंनी व्यक्त केले. मुलींनी धाडसाने पुढे जाण्याची जावं, अशी इच्छा राष्ट्रपतींनी व्यक्त केली.

आज भारताच्या महिलांनी प्रत्येक क्षेत्रात आपले कतृत्व सिद्ध केलंय. हे दशक महिलांच्या विकासासाठी महत्वपूर्ण ठरलं.

देशाला संदेश देताना राष्ट्रपती मुर्मू म्हणाल्या की,"आज महिला विकास आणि देश सेवेच्या प्रत्येक क्षेत्रात मोठ्या प्रमाणात योगदान देत आहेत आणि देशाचा गौरव वाढवतं आहेत. आज आपल्या महिलांनी अशा अनेक क्षेत्रामध्ये आपले विशेष स्थान निर्माण केलंय, जिकडे काही दशकांआधी त्यांच्या सहभागाचा कल्पनाही केली गेली नसती. (Latest Marathi News )

मला हे बघून आनंद होतोय की, महिलांच्या आर्थिक सशक्तीकरणावर विशेष लक्ष दिलं जातय. आर्थिक सशक्तीकरणामुळे कुटुंबात आणि समाजात महिलांची परिस्थिती मजबूत होते. मी देशवासीयांना आग्रह करते की त्यांनी महिला सशक्तीकरणाला प्राथमिकता द्यावी. माझी इच्छा आहे की आपल्या माता भगिनी आणि मुलींनी प्रत्येक अडचणींचा सामना धाडसाने करुन जीवनात पुढे जावं."