नवी दिल्ली : राज्यसभेसाठी माजी सरन्यायाधीश रंजन गोगोई यांची राष्ट्रपती नियुक्त सदस्य म्हणून शिफारस केंद्र सरकारने सोमवारी (ता.१६) केली.
राज्यसभेवर १२ सदस्यांची निवड करण्याचा अधिकार राष्ट्रपतींना असतो. केटीएस तुलसी यांचा कार्यकाळ संपल्याने त्या जागेसाठी गोगोई यांची शिफारस करण्यात आली आहे.
गोगोई यांनी ३ ऑक्टोबर २०१८ रोजी भारताचे ४६ वे सरन्यायाधीशपदाची सूत्रे स्वीकारली होती. त्यांचा कार्यकाळ सुमारे १३ महिन्यांचा होता. यादरम्यान अनेक महत्त्वपूर्ण खटले गोगोई यांच्या खंडपीठाने निकालात काढले.
अयोध्येतील रामजन्मभूमीच्या जागेचा वाद, तसेच शबरीमला मंदिरात महिलांचा प्रवेश, राफेल लढाऊ विमानांची खरेदी यांसारख्या महत्त्वाच्या खटल्यांचा निकाल गोगोई यांच्या नेतृत्वाखालील खंडपीठाने दिला होता.
राष्ट्रपती रामनाथ कोविंद यांनी गोगोई यांच्या नावाची शिफारस केली. १२ सदस्यांची राज्यसभेवर निवड करण्याचा अधिकार राष्ट्रपतींना असतो. केटीएस तुलसी यांचा कार्यकाळ संपल्याने रिक्त झालेल्या जागेवर राष्ट्रपती नामनिर्देशीत खासदार म्हणून गोगोई यांची आता निवड झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.