नवी दिल्ली : पंतप्रधान नरेंद्र मोदी आज म्हणजेच रविवारी दुपारी 11 वाजता आपला रेडीओ कार्यक्रम 'मन की बात'मधून देशाला संबोधित करणार आहेत. त्यांची ही 72 वी मन की बात असणार आहे. गेल्या एक महिन्यापासून दिल्ली बॉर्डरवर चालू असलेल्या शेतकरी आंदोलनाच्या  दरम्यान अशी शक्यता व्यक्त केली जात आहे की पंतप्रधान मोदी कृषी कायदे आणि त्यांच्याशी संबंधित मुद्यांवर बोलू शकतात.

नव्या कृषी कायद्यांच्या विरोधात गेल्या एक महिन्यांपासून काही राज्यातील शेतकरी दिल्ली बॉर्डरव आंदोलन करत आहेत. या पार्श्वभूमीवर पंतप्रधान मोदी या कायद्यांद्वारे सरकारकडून केले गेलेले प्रयत्न तसेच उपायांची माहिती देऊ शकतात तसेच आपली मते मांडू शकतात. 

हेही वाचा - ‘वन नेशन, वन कार्ड’ उद्यापासून प्रत्यक्षात

पंतप्रधान नरेंद्र मोदी यांची ही या वर्षातील शेवटची 'मन की बात' असणार आहे. तर शेतकऱ्यांनी पंतप्रधान मोदी यांच्या या मन की बात कार्यक्रमाला टाळ्या तसेच थाळ्या वाजवून विरोध करण्याचा निर्णय घेतला आहे. काही शेतकरी संघटनांनी याआधीच म्हटलं होतं की ते या कार्यक्रमाला विरोध करणार आहेत.