‘वन नेशन, वन कार्ड’ उद्यापासून प्रत्यक्षात

सर्व सेवांसाठी एकच कार्ड शक्य
नवी दिल्ली - वॉलेटमध्ये वेगवेगळी कार्डे वापरणे सर्वांसाठीच मोठे जिकरीचे असते, बऱ्याचदा हे ओझे वाहताना ते हरवण्याचाही धोका असतो. आता या समस्येवर नवा तोडगा मिळणार आहे आणखी ४८ तासांनी अस्तित्वात येणारे ‘नॅशनल कॉमन मोबिलिटी कार्ड’ हा त्यावरील प्रभावी उपाय ठरू शकतो. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

डेबिट व क्रेडिट कार्डाच्या लिंकच्या साहाय्याने वापरता येणारे हे कार्ड एटीएमसह रेल्वे, मेट्रो, शॉपिंग मॉल टोल नाके व बस सेवेसह अन्य अनेक सेवांसाठी वापरले जाऊ शकते. पंतप्रधान नरेंद्र मोदी यांच्या हस्ते सोमवारी (२८ डिसेंबर) या योजनेला प्रारंभ होईल याच कार्यक्रमात ते दिल्लीतील पहिल्या विनाचालक मेट्रोलाही हिरवा झेंडा दाखवतील.

CBSE Board Exams : 31 डिसेंबरला होणार दहावी-बारावीच्या परीक्षेच्या तारखांची घोषणा

भारत इलेक्‍ट्रॉनिक्‍स लिमिटेडने ‘ऑटोमॅटिक फेयर कलेक्‍शन सिस्टिम (स्वागत) च्या सहकार्याने हे ‘वन नेशन, वन कार्ड’ अस्तित्वात आणले आहे.  अनेक बॅंकांनीही याप्रकारची कार्डे देण्यास सुरवात झाली आहे. आपल्या बॅंकेशी किंवा पेटीएम पेमेंट बॅंकेशी संपर्क साधल्यास हे कार्ड मिळू शकेल. ‘नॅशनल कॉमन मोबिलिटी कार्ड’द्वारे नॅशनल कॉमन मोबिलिटी कोडच्या साहाय्याने तुम्हाला आर्थिक व्यवहार करता येतील. हे एकच कार्ड देशातील कोणत्याही शहरातील मेट्रोसाठी चालणार असल्याने त्या- त्या ठिकाणी वेगवेगळी कार्डे-टोकन घेण्याची डोकेदुखी थांबणार आहे.

सावधान! लस टोचून घेण्यासाठी नंबर लावा म्हणत नोंदणीच्या नावाखाली लूट

असा होईल उपयोग
तुम्ही या कार्डाच्या साहाय्याने थेट मेट्रोत प्रवेश करू शकाल व स्थानकातून बाहेर पडतानाच तुमच्या प्रवासाची रक्कम या कार्डातून परस्पर वळती होईल. टोल नाक्‍यांवरही हीच सुविधा मिळेल. एटीएम कार्ड म्हणून याचा वापर केला तर ५ टक्के आणि विदेश प्रवासासाठी ते वापरल्यास १० टक्के कॅशबॅकची सुविधा मिळेल. तुमच्या बॅंक खात्यात पुरेशी गंगाजळी असेल तर या कार्डाद्वारे एटीएममधूनही तुम्ही पैसे काढू शकाल. रूपे कार्डाची जोड दिल्यास ते क्रेडिट कार्ड म्हणूनही वापरता येईल.

Edited By - Prashant Patil