Pune Pro Pakistan Slogans:कोंढवा परिसरात 'पाकिस्तान जिंदाबादच्या घोषणा दिल्याची धक्कादायक घटना समोर आली आहे. हा प्रकार सोमवारी (ता.१४) रात्री घडला असून, कोंढवा पोलिसांनी दोघांना अटक केली आहे.

पोलिसांनी दिलेल्या माहितीनुसार, कोंढवा परिसरात एका शाळेचे बांधकाम सुरु आहे. अटक करण्यात आलेल्या दोन्ही व्यक्ती बांधकामाच्या ठिकाणी सुरक्षा रक्षक म्हणून कामाला आहेत. सोमवारी रात्री ते दोघे 'पाकिस्तान जिंदाबाद'च्या घोषणा देत होते.

त्यावेळी काही नागरिकांनी त्या घोषणा ऐकल्या. त्यांनी ही बाब कोंढवा पोलिसांना कळवली. ही माहिती मिळताच पोलिस घटनास्थळी दाखल झाले. 'पाकिस्तान जिंदाबाद'च्या घोषणा देणाऱ्या दोघांना पोलिसांनी अटक केली आहे.(Latest Marathi News)

त्यांच्याविरुद्ध कोंढवा पोलिस ठाण्यात गुन्हा दाखल करण्यात आला आहे, अशी माहिती वरिष्ठ पोलिस निरीक्षक संतोष सोनवणे यांनी दिली. पुढील तपास कोंढवा पोलिस करीत आहेत.