श्रीनगर - अमरनाथ यात्रेला २२ जूनपासून सुरुवात होणार आहे. मात्र कोरोनामुळे यात्रा होणार की नाही, हे अद्याप निश्‍चित झालेले नाही. अमरनाथ तीर्थक्षेत्र मंडळाने यात्रेचा कालावधी १५ दिवसांचा करण्याचा प्रस्ताव दिला आहे. 

ताज्या बातम्यांसाठी डाऊनलोड करा ई-सकाळचे ऍप 

दरवर्षीप्रमाणे यंदाही अमरनाथ येथील गुहेत बर्फातील शिवलिंग साकारले आहे. त्याची छायाचित्र नुकतीच प्रसिद्ध झाली आहे. छायाचित्रांमध्ये सर्वत्र बर्फ दिसत असून गुहेत बर्फाचे शिवलिंग तयार झालेले दिसत आहे. कोरोनामुळे यंदा यात्रा रद्द केल्याचे निवेदन मंडळाने २२ एप्रिल रोजी दिले होते. मात्र नंतर ते मागे घेण्यात आले. त्याऐवजी यात्रेची मुदत १५ दिवस करण्याचा प्रस्ताव ठेवण्यात आला आहे. यात्रा बालताल मार्गावरुन सुरु व्हावी, असेही या प्रस्तावात म्हटले आहे. यात्रेचा पारंपरिक मार्ग पहलगाम, चंदनवाडी, शेषनाग, पंचतरणी असा आहे. 

यंदा यात्रेतील अडथळे 
- जम्मू-काश्‍मीरमध्ये कोरोना रुग्णांची संख्या ४००पेक्षा जास्त. 
- काश्‍मीर खोऱ्यात कोरोनाचा मोठा प्रसार. 
- नियोजित कार्यक्रमानुसार एक एप्रिलपासून नोंदणी सुरु होणे आवश्‍यक होते. 
- यात्रेच्या एक महिना आधी मार्गावरील बर्फ हटविण्यास सुरुवात होते, पण आत्ताही तेथे मोठ्या प्रमाणात बर्फ साठलेले आहे. 

इतर बातम्या वाचण्यासाठी येथे  क्लिक करा

गेल्या काही वर्षांतील यात्रेकरूंची संख्या (आकडे लाखात) 
२०१९- ३.५० 
२०१८ - २.८५ 
२०१७- २.६० 
२०१६ - २.२० (याच वर्षी दहशतवादी बुऱ्हाण वणी चकमकीत मारला गेल्याननंतर परिस्थिती खराब झाली होती) 
२०१५- ३.५२