नवी दिल्ली : मुंबईचे माजी पोलिस आयुक्त परमबीरसिंग हे सध्या भारतातच असून ते फरार झाले नसल्याची माहिती त्यांच्या वकिलांनी सर्वोच्च न्यायालयात दिल्यानंतर आज न्यायालयाने त्यांना अटकेपासून संरक्षण देऊ केले. याआधी न्यायालयाने परमबीर यांच्या वकिलांना त्यांच्या स्थानाबाबत विचारणा करत दिलासा देण्यास नकार दिला होता. परमबीर यांच्या वकिलांनी आज न्यायालयात सांगितले की, “ फरार होण्याची अथवा पळून जाण्याची त्यांची इच्छा नाही पण सध्या त्यांच्या जिवाला धोका आहे.
महाराष्ट्रात आल्यास त्यांना मुंबई पोलिसांकडूनच धोका उद् भवू शकतो. ” खंडणीप्रकरणी परमबीर यांच्याविरोधात चार गुन्हे नोंदविण्यात आले आहेत. आज परमबीर यांच्या याचिकेवर सुनावणी घेताना न्या. एस. के.कौल आणि न्या. एम.एम.सुंद्रेश यांच्या खंडपीठाने पोलिस महासंचालक संजय पांडे आणि केंद्रीय अन्वेषण विभागाला (सीबीआय) देखील नोटीस बजावली. याप्रकरणी गुरूवारी पार पडलेल्या सुनावणीदरम्यान न्यायालयाने परमबीरसिंग हे कोठे आहेत? अशी विचारणा त्यांच्या वकिलाला केली होती.
महाराष्ट्र सरकारने दोन प्रकरणामध्ये परमबीर यांच्याविरोधात चौकशी सुरू केली असून त्यांना आव्हान देणारी याचिका त्यांनी मुंबई उच्च न्यायालयामध्ये सादर केली होती पण न्यायालयाने ती फेटाळून लावल्यानंतर परमबीर यांनी सर्वोच्च न्यायालयात धाव घेतली होती. या प्रकरणामध्ये हॉटेल व्यावसायिक विमल अग्रवाल यांनी परमबीर आणि निलंबित पोलिस अधिकारी सचिन वाझे यांच्यावर खंडणीचे आरोप केले असून यावरून मुंबई पोलिसांनी न्यायालयात धाव घेतली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.