मोहाली : यात्रेतील पाळण्याच्या दुर्घटनेचा एक व्हिडिओ समोर आला असून यामध्ये काही लोक जखमी झाले आहेत. पंजाबमधील मोहाली येथील ही घटना असल्याचं समोर आलं आहे. या घटनेत मुलांसह अनेकजण जखमी झाले आहेत. हा थरकाप उडवणारा व्हिडिओ पाहून तुम्हालाही धक्का बसेल.
(Mohali Fair Swing Viral Video)
व्हायरल होत असलेला व्हिडिओ हा पंजाबमधील असून एका यात्रेत हा अपघात घडला आहे. एका खांबाच्या भोवती फिरणाऱ्या गोलाच्या पाळण्यात अनेक लोकं बसले होते. हा पाळणा गोल गोल फिरत असताना बऱ्याच उंचीवरून खाली वर होत होता. पण अचानक काही तांत्रिक बिघाडामुळे जवळपास ५० फूटाच्या उंचीवरून पाळणा खाली पडला.
दरम्यान, पाळणा पडल्यानंतर अनेक लोकं पाळण्यातून उडून खाली पडले. सुदैवाने या दुर्घटनेत कुणाचाही मृत्यू झाला नसून अनेक लोकं जखमी झाले आहेत. हा व्हिडिओ अंजली चौधरी या ट्वीटर अकाऊंटवरून शेअर केला असून हा व्हिडिओ सध्या प्रचंड व्हायरल होत आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.