Rahul Gandhi Marathi News: इंडिया आघाडीच्या बैठकीनंतर राहुल गांधी यांनी पत्रकार परिषद घेतली. यावेळी त्यांनी अदानी आणि पंतप्रधान नरेंद्र मोदी यांच्यावर गंभीर आरोप केले. यावेळी त्यांनी तीन जातगिक वृत्तपत्राचा दाखला देत गौतम अदानी आणि पंतप्रधान नरेंद्र मोदींच्या संबंधावर प्रश्न उपस्थित केले.

अदानी कुटुंबाने आपल्या शेअरमध्ये स्वत:चे पैसे गुंतवून गैरव्यवहार केल्याचा आरोप यावेळी त्यांनी लावला. गार्डीयन, फायनान्शियल एक्स्प्रेच्या बातम्यांचा दाखला दिला. या वृत्तपत्रांकडे अंतर्गत कागदपत्रे आण मेल्समधील संभाषणांचा पुरावा आहे.

या कंपनीच्या गुंतवणूकदारांमध्ये दोन परदेशी नागरिकांचा समावेश असल्याचा आरोप त्यांनी लावला. या दोन व्यक्तींची नावे देखील त्यांनी सांगितली.

यावेळी त्यांनी ईडी आणि सीबीआयच्या कार्यप्रणालीवर प्रश्न उपस्थित केले. यावेळी त्यांनी अदानींविरोधात केल्या गेलेल्या चौकशीबाबतही शंका व्यक्त केली.

गौतम अदानी यांच्या विरोधात सेबीद्वारे एक चौकशी करण्यात आली होती. त्या प्रकरणात त्यांना क्लिनचीट देण्यात आली. काही काळानंतर चौकशी करणाऱ्या सेबीच्या अधिराऱ्याला अदानींच्या कंपनीत नोकरी मिळाली. त्यामुळे या अधिकाऱ्याने अदानीविरुद्ध जी चौकशी केली, ती संशयास्पद असल्याचे राहुल गांधी म्हणाले. (Latest Marathi News)