यंदाच्या लोकसभा निवडणुकीसाठी आज सकाळपासून मतमोजणीला सुरूवात झाली आहे. यामध्ये सगळ्यांचे अंदाज चुकवत इंडिया आघाडीने दमदार कामगिरी केली आहे. तर भाजपसह एनडीए बहुमतासाठी झगडत आहे.

या सर्व घडामोडीत काँग्रेसला मिळत असलेल्या यशामुळे देशभरातील काँग्रेसमध्ये मोठा उत्साह आहे. अशात दिल्लीतील काँग्रेस मुख्यमालयात जाताना राहुल गांधी यांनी एका कार्यकर्त्याला मिठी मारली. याचवेळी तब्बल दहा वर्षांनी काँग्रेसने लोकसभा निवडणुकीत 100 जागा जिंकण्याच्या दिशेने वाटचाल सुरू केली आहे.

सध्याच्या सार्वत्रिक निवडणुकीत भाजपच्या प्रचंड विजय विजय मिळवेल अशी अपेक्षा होती. दरम्यान, काँग्रेस आणि सहयोगी पक्षांनी दमदार कामगिरी करत उत्तर प्रदेशात दहा वर्षांनी वर्चस्व मिळवले. टीएमसीने पश्चिम बंगालमध्ये प्रभावी प्रदर्शन केले.

इकडे महाराष्ट्रात महाविकास आघाडी सुसाट सुटली असून, जवळपास 30 जागांवर आघाडी घेतली आहे.