Rahul Gandhi News: काँग्रेस खासदार राहुल गांधी सध्या चांगलेच चर्चेत आहेत. नुकतंच मोदींचा अवमान केल्याप्रकरणी कोर्टाने त्यांना दोन वर्षांची शिक्षा सुनावली आहे.

त्यानंतर त्यांनी विरोधकांचा धसका घेतला की काय असं दिसत आहे. याचं कारण म्हणजे हा व्हिडीओ. या व्हिडीओ मल्लिकार्जुन खर्गे यांच्यासोबत राहुल गांधी दिसत आहेत. (Latest Marathi News)

काही दिवसांपूर्वी राहुल गांधी आणि मल्लिकार्जुन खर्गे यांचा एक व्हिडीओ व्हायरल होत होता. यामध्ये राहुल गांधी मल्लिकार्जुन खर्गे यांना मदत करत असल्याचं दिसत होतं.

विरोधकांनी या व्हिडीओत राहुल गांधी खर्गे यांच्या पाठीला नाक पुसत असल्याचा दावा केला. त्यावरुन आता राहुल गांधींनी भाजपाला खोचक टोला लगावला आहे. (Marathi Tajya Batmya)

खर्गे यांच्यासोबतचा आणखी एक व्हिडीओ आता समोर आला आहे. ज्यामध्ये राहुल गांधी खर्गेंना पायरी उतरण्यासाठी मदत करत आहेत.

त्यावेळी खर्गे यांना राहुल गांधी म्हणाले, "मी जर आत्ता तुम्हाला हात लावला, तर ते म्हणतील की मी तुमच्या पाठीला नाक पुसत आहे. तो व्हिडीओ पाहिला का? मी त्या दिवशी तुम्हाला मदत करत होतो, तेव्हा हे लोक म्हणाले की मी तुमच्या पाठीला नाक पुसतोय."

राहुल गांधी सध्या त्यांच्यावरच्या मानहानीच्या खटल्यामुळे संकटात सापडले आहेत. त्यांच्या खासदारकीवरही गदा येण्याची शक्यता असल्याचं सांगितलं जात आहे. काँग्रेस या प्रकरणी उच्च न्यायालयात याचिका दाखल करणार आहे. शिक्षा सुनावल्यानंतर राहुल गांधी यांनी सत्य हाच आपला देव असल्याचं सांगत या शिक्षेबद्दल प्रतिक्रिया दिली आहे.