बेंगलोर : काँग्रेस अध्यक्ष राहुल गांधी हेच पंतप्रधान पदासाठी नंबर एकचे उमेदवार आहेत. यासाठी सर्व विरोधी पक्षांनी एकत्र येऊन आघाडी करण्याची गरज आहे. देशात एकाच पक्षाच्या बहुमतातील सरकारपेक्षा आघाडी सरकारने चांगले प्रशासान दिले आहे. असे मत कर्नाटकचे मुख्यमंत्री एचडी कुमारस्वामी यांनी व्यक्त केले.

काँग्रेस आणि जनता दल सेक्यूलर (जेडीएस) या दोन्ही पक्षात कसलेही मतभेद नाहीत. काम करताना माजी मुख्यमंत्री सिद्धारमैया यांचाही सल्ला घेतला जातो. त्यांनी फेब्रूवारी 2018 मध्ये झालेल्या अर्थसंकल्पात पुरवणी अर्थसंकल्पाचा मला सल्ला दिला होता. तो मी विरोध म्हणून नाहीतर सल्ला म्हणूनच स्विकारला. पण एक नवीन सरकार स्थापन केल्यानंतर, आम्हाला असे वाटले चांगला अर्थसंकल्प सादर करावा. यावर सिद्धारमैया यांनीही सहमती दर्शवली. भाजपने याला विरोध दर्शवत ते बाहेर पडले पण आम्ही दोन्ही पक्षांनी ठाम भूमिका घेत अर्थसंकल्प मंजूर करून घेतला होता. आघाडी मध्ये वेगवेगळी मते असू शकतात. परंतु, त्यामुळे आमच्यात मतभेद निर्माण होत नाहीत. असेही कुमारस्वामी म्हणाले.