नवी दिल्ली : कॉंग्रेसचे माजी अध्यक्ष राहूल गांधी यांनी विधानसभा निवडणुकांच्या दरम्यान पेट्रोल आणि डिझेलचे भाव वाढले नसल्याने केंद्र सरकारवर निशाना साधलाय. त्यांनी ट्वीट करत म्हटलंय की, "पटापट आपल्या गाड्यांच्या टाक्या फुल्ल करुन घ्या. कारण मोदी सरकारची निवडणुकांची ऑफर संपत आली आहे. निवडणुकांच्या काळात मागील काही दिवसांपासून उत्तरप्रदेशसहित पाच राज्यांत पेट्रोल आणि डिझेलचे भाव वाढले नाहीत. आता निवडणुका संपल्यावर या भावामध्ये वाढ होणार आहे." काही रिपोर्टनुसार कच्च्या तेलाच्या भावावरुन पेट्रोल आणि डिझेलचे भाव ठरवले जातात. त्यानुसार भावात १० ते १२ रुपयांपर्यंत वाढ होऊ शकते.

आयसीआयसाआय च्या सिक्युरिटी रिपोर्टनुसार कच्च्या तेलाचे भाव वाढले आहेत. त्यामुळे पेट्रोल आणि डिझेलच्या भावात १२.१ प्रतिलीटर वाढ करावी लागणार आहे. त्याबरोबर तेल कंपनीच्या नफ्याला जोडलं तर जवळपास १५.१ रुपयांपर्यंत वाढ करावी लागू शकते. आंतरराष्ट्रीय स्तरावर कच्च्या तेलाचे भाव गुरुवारी १२० डॉलर प्रतिबॅरल इतके होते. जे मागील नऊ वर्षातील उच्चांकी भाव होते.

दरम्यान शुक्रवारी याचे भाव घसरुन १११ रुपये प्रतिबॅरल इतके झाले. सध्या सुरू असलेल्या रशिया आणि युक्रेनच्या युद्धामुळे कच्च्या तेलाचे भाव वाढण्याची शक्यता वर्तवली जात आहे. त्याबरोबर सध्या भारतातील पाच राज्यातील विधानसभा निवडणुका पार पडत आहेत. या पार्श्वभुमीवर सध्या काही काळात पेट्रोलचे भाव वाढले नाहीत. आता पेट्रोलचे भाव वाढणार आहेत.

गाडीच्या टाक्या पटापट फुल्ल करा असं आवाहन राहूल गांधी यांनी केलं आहे. दरम्यान उत्तरप्रदेशमधील निवडणुकांच्या शेवटच्या टप्प्यातील मतदान ऊद्या (ता.७) होणार असून १० मार्चला निकाल लागणार आहे. सध्या प्रचाराच्या तोफा थंडावल्या असून आता पेट्रोलचे भाव वाढतील असा टोला राहूल गांधींनी मोदींना लावला आहे.