प्राणी माणसांमध्ये (Human and animal) राहू लागले तरी ते कधी काय करतील याचा नेम नाही. त्यामुळं जरी तुम्ही कुत्रा (Dog), मांजर असे प्राणी पाळले तरी त्यांच्यापासून सावध राहायला हवं. कारण, ते कधीही हल्ला करू शकतात (Dog Attack). सध्या अशीच एक घटना समोर आलीय. राजस्थानच्या (Rajasthan) भिलवाडा जिल्ह्यातील काळुखेडा गावात घराबाहेर खेळणारा पाच वर्षांचा निष्पाप चिमुकल्याला श्वानानं अक्षरश: उरबडून काढलंय. कुत्र्यानं 20 ते 25 सेकंदांपर्यंत मुलाचे लचके तोडले. मुलाचा आवाज ऐकून बाहेर आलेल्या कुटुंबीयांनी त्याला कसेतरी वाचवले. मात्र, तोपर्यंत श्वान मुलाच्या नाकाच्या हाडापर्यंत चावला होता. रुग्णालयात पोहोचलेल्या डॉक्टरांनी तब्बल दीड तास शस्त्रक्रिया केली. या ऑपरेशनमध्ये त्यांच्या चेहऱ्यावर 100 हून अधिक टाके पडले आहेत. मुलाची अशी अवस्था पाहून डॉक्टरही काही काळ चक्रावले होते.

भिलवाडा (Bhilwara) जिल्ह्यातील काळुखेडा गावामधील प्रल्हाद गुर्जर यांचा पाच वर्षांचा मुलगा गोपाल गुर्जर हा घराबाहेर मुलांसोबत खेळत होता. त्याचवेळी एका कुत्र्यानं त्याच्यावर हल्ला केला. कुत्र्यानं मुलाला रस्त्यावरुन ओढत नेऊन त्याचा चावा घेतला. जखमी मुलाचा आरडाओरडा ऐकून कुटुंबीय बाहेर आले. यावेळी रक्तबंबाळ अवस्थेत बालकाला पाहून कुटुंबीयही हादरले. कुत्र्यानं मुलाला इतकं चावलं होतं, की त्याच्या चेहऱ्याचा आणि डोक्याचा काही भाग त्वचेखाली गेला होता. त्यामुळं डॉक्टरांनाही त्याचे डोळे, नाक आणि ओठ यांना टाके घालावे लागले आहेत.

उपचार करणार्‍या डॉक्टरांनी सांगितलं की, त्यांनी आयुष्यात असा प्रसंग पाहिला नव्हता. डॉईएनटी तज्ज्ञ डॉ. राजेश जैन यांनी म्हणाले, सध्या बाळ गंभीर जखमी आहे. श्वानानं मुलाच्या चेहऱ्याला चावा घेतला होता. यामुळं त्याचा चेहरा खराब झाला होता. रुग्णालयात येताच त्यांचं ऑपरेशन सुरू करण्यात आलं, जे सुमारे दीड तास चाललं. डॉक्टरांनी बाळाची प्रकृती धोक्याबाहेर असल्याचं जाहीर केलंय.