Rajasthan Cricket Association: राजस्थानचे मुख्यमंत्री अशोक गेहलोत यांना आणखी एक धक्का बसला आहे. राजस्थान क्रिकेट असोसिएशनच्या निवडणुकीला उच्च न्यायालयाने स्थगिती दिली आहे. दौसा क्रिकेट असोसिएशनच्या याचिकेवर सुनावणी करताना एकल खंडपीठाने गुरुवारी हा निर्णय दिला आहे. या निवडणुकीत मुख्यमंत्री अशोक गेहलोत यांचा मुलगा वैभव गेहलोत अध्यक्षपदासाठी रिंगणात होता.

आता आरसीएसने दाखल केलेल्या याचिकेवर उच्च न्यायालय शुक्रवारी सुनावणी करणार आहे. 30 सप्टेंबर रोजी होणाऱ्या निवडणुकांसाठी राजस्थान क्रिकेट असोसिएशनने निवृत्त आयएएस अधिकारी राम लुहुआ यांची मुख्य निवडणूक अधिकारी म्हणून नियुक्ती केली. जिल्हा क्रिकेट संघटनांनी निवडणूक अधिकारी राम लुह्या यांच्या विरोधात उच्च न्यायालयात याचिका दाखल केली होती.

त्यामध्ये सरकारने राम लुह्या यांना महत्त्वाचे पद दिले असल्याचे म्हटले होते. त्याचा फायदा आरसीए निवडणूक लढवणारे मुख्यमंत्री अशोक गेहलोत यांचा मुलगा वैभव गेहलोत यांना होऊ शकतो. अशा परिस्थितीत निष्पक्ष निवडणुका होणार नाहीत. निष्पक्ष निवडणूक अधिकारी केल्यानंतरच निवडणुका घ्याव्यात. याचिकेवर सुनावणी घेत उच्च न्यायालयाने निवडणुकीला स्थगिती दिली.