रामकथा सांगण्यासाठी आलेल्या बाबा यजमानाच्या पत्नीलाच घेऊन पळाल्याचा प्रकार समोर आला आहे. मध्यप्रदेशातील छतरपूर येथे हा प्रकार घडला आहे. कथावाचनासाठी सोबत आलेला बाबाचा शिष्याने यजमानाच्या पत्नीला पळवून नेले . दरम्यान या प्रकारानंतर पीडिताने पोलीस स्टेशनमध्ये यासंबंधी तक्रार दिली असून पोलीसांनी हरवल्याची तक्रार नोंदवून घेतली आहे.

एक महिन्यानंतर जेव्हा पीडित व्यक्तीची पत्नी सापडली तेव्हा पोलीसांनी तीला पोलीस स्टेशनमध्ये तीचा जबाब नोंदवण्यासाठी बोलवलं. मात्र महिलेने पतीसोबत राहण्यास नकार दिला आणि चित्रकूट धामचे धीरेंद्र आचार्य यांचे शिष्य नरोत्तम दास दुबे सोबत राहायचं असल्याचे सांगितले.

हे प्रकरण २०२१ मध्ये सुरू झालं, जेव्हा या महिलेचा पती राहुल तिवारीने गौरीशंकर मंदिरात रामकथेचे योजन केले होते. या कार्यक्रमात कथा वाचनासाठी चित्रकूट येथील कथावाचक धीरेंद्र आचार्य यांना बोलवण्यात आलं. हे आचार्य त्यांचा शिष्य नरोत्तम दास दुबे याच्यासोबत रामकथेसाठी सोबत घेऊन आले होते.

दरम्यान या महिलेच्या पतीचा आरोप आहे की, या रामकथेदरम्यान त्याच्या पत्नीला नरोत्तम दास दुबेने प्रेमाच्या जाळ्यात ओढले. त्यानंतर मोबाईल नंबर घेतला आणि हे दोघे एकमेकांशी बोलू लागले. यानंतर ५ एप्रिल रोजी नरोत्तमने त्याच्या पत्नीला पळवून नेले.

याप्रकरणी जिल्ह्याचे एसपी अमित सांघी यांनी दिलेल्या माहितीनुसार, महिला तिच्या पतीसोबत राहण्यास नकार देत आहे, त्यामुळे हा गुन्हा ठरत नाही. तरीही पोलीस तपास करत आहेत.