अयोध्या : अनेक वर्षांच्या प्रतिक्षेनंतर रामाचं दर्शन घेण्याची संधी उपलब्ध झाल्यानं देशभरातील नागरिकांमध्ये प्रचंड उत्साह आहे. प्राण प्रतिष्ठेनंतर दुसऱ्या दिवशीपासून मंदिर सर्वसामान्य जनतेसाठी खुल करण्यात आलं.

पहिल्याच दिवशी लोकांची इतकी झुंबड उडाली होती की अक्षरशः चेंगराचेंगरी सारखी स्थिती निर्माण झाली होती. त्यानंतर आजही दुसऱ्या दिवशी पहाटे अंधारातच कडाक्याच्या थंडीत भाविकांनी तुफान गर्दी केली आहे. (Ram Mandir Stormy crowd on second day too for darshan of Ram Lalla Chief Secretary and DGP set for control)

गर्दीचा स्थिती पाहताना उत्तर प्रदेश पोलीस अ्न लष्कराच्या जवानांनाही पाचारण करण्यात आलं आहे. नियंत्रणासाठी खुद्द यूपीचे पोलीस महासंचालक मैदानात उतरले आहेत. लोकांनी रामपथावर लांबच लांब रांगा लावल्या आहेत. (Latest Marathi News)

या स्थितीबाबत बोलताना उत्तर प्रदेशचे पोलीस महासंचालक प्रवीण कुमार म्हणाले, इथली गर्दी थांबायचं नाव घेत नाहीए, पण सुरक्षा विषयक तयारी पूर्ण झाली आहे. आम्ही ज्येष्ठ नागरिक आणि दिव्यांग लोकांना विनंती करतो की त्यांनी दोन आठवड्यानंतर इथं दर्शनासाठी यावं.

त्याचबरोबर उत्तर प्रदेशचे स्पेशल ADGLO प्रशांत कुमार म्हणाले, मोठ्या प्रमाणावर लोकांनी इथं गर्दी केली आहे. मुख्य सचिव आणि मला इथं पाठवण्यात आलं आहे. याठिकाणी गर्दीच्या नियंत्रणासाठी रागांची व्यवस्था आम्ही सुधरवली आहे. लोकांसाठी विशेष दर्शन मार्ग तयार केले आहेत.