Ram Rahim : डेरा सच्चा सौदाचा प्रमुख गुरमित राम रहीम सतत चर्चेत असतात. कोर्टातून ४० दिवसांचा पॅरोल मिळाल्यानंतर राम रहीम यांना गगनात मावेनासा आनंद झाला. राम रहीम शनिवारी बागपतमधील त्याच्या बर्नवा आश्रमात पोहोचले. यावेळी त्यांनी तुरुंगातून बाहेर आल्याचा आनंद साजरा केला.

राम रहीम यांनी चक्क तलवारीने केक कापला. राम रहीम बलात्कार आणि हत्येप्रकरणी रोहतकच्या सुनारिया तुरुंगात शिक्षा भोगत आहे.

बलात्कार आणि हत्येप्रकरणी शिक्षा भोगत असलेलेल राम रहीम यांना तिसऱ्यांदा पॅरोल मिळाल्याची चर्चा आहे. एका साध्वींचे लैंगिक शोषण आणि पत्रकाराच्या हत्येप्रकरणी ते शिक्षा भोगत आहेत. दरम्यान त्यांना तिसऱ्यांदा पॅरोल मंजूर केल्याबद्दल लोक हरियाणा सरकारवर प्रश्न उपस्थित करत आहेत. 

राम रहीम यांच्या तलवारीने केक कापतानाचा व्हिडिओ सोशल मीडियावर व्हायरल होत आहे. राम रहीम यांचे अनुयायी यावेळी उपस्थित होते. 

पॅरोलवर आल्यानंतर कोणत्याही शिक्षा झालेल्या कैद्याने शस्त्रास्त्रांचे सार्वजनिक प्रदर्शन करण्यास शस्त्र कायद्यानुसार बंदी आहे. असे असतानाही राम रहीमने तलवारीने केक कापला आहे. त्यामुळे राम रहीमवर गुन्हा दाखल होणार का, असा प्रश्न उपस्थित होत आहे.