लखनौ : ''मंदिर आमचे आराध्य आहे. मंदिर बनेल. मंदिर बनविण्यासाठी आम्ही लोकं वचनबद्ध आहोत. राम मंदिर आयोध्यात होणार आहे. कारण सर्वोच्च न्यायालय आमचे आहे'', असे वक्तव्य उत्तरप्रदेशचे मंत्री मुकूट बिहारी वर्मा यांनी केले.

बाहरायची येथे आयोजित एका कार्यक्रमाता वर्मा बोलत होते. ते म्हणाले, ''सर्वोच्च न्यायालय मुख्य आहे. त्यामुळेच. सर्वोच्च न्यायालयही आमचेच आहे ना, ते आमचेच आहे. न्यायपालिका, विधानपालिकाही आमचीच आहे. हा देशही आमचाच आहे. मंदिरही आमचेच आहे. राम मंदिर आयोध्यात होणार आहे. कारण सर्वोच्च न्यायालय आमचेच आहे. सर्वोच्च न्यायालय आमचे आहे, हे आम्ही काहीही चुकीचे वक्तव्य केलेले नाही. आमचे तर सर्वकाही आहे. जर देश आमचा असेल तर या देशातील सर्वकाही आमचेच आहे''.

दरम्यान, वर्मा हे बाहरियची विधानसभा मतदारसंघातून चारवेळा आमदार झाले आहेत. सध्या त्यांच्याकडे सहकार मंत्रालयाचा कार्यभार आहे.