नितीश कुमार यांनी अलीकडच्या काळात एनडीएची साथ सोडलीय.
केंद्रीय सामाजिक न्याय राज्यमंत्री रामदास आठवलेंनी (Ramdas Athawale) ओडिशाचे मुख्यमंत्री आणि बीजेडी सुप्रीमो नवीन पटनायक (Odisha CM Naveen Patnaik) यांना भाजपच्या (BJP) नेतृत्वाखालील राष्ट्रीय लोकशाही आघाडीत (NDA) सामील होण्याचं आवाहन केलंय. तसं झाल्यास त्यांच्या प्रादेशिक पक्षाला याचा मोठा फायदा होईल, असा दावा त्यांनी केलाय.
आठवले म्हणाले, बिजू जनता दलानं (Biju Janata Dal) एनडीए सरकारला खूप मदत केलीय. संसदेच्या दोन्ही सभागृहात अनेक महत्त्वाची विधेयकं मंजूर करण्यात त्यांनी मदत केली. नवीन पटनायकांनी एनडीएशी हातमिळवणी केल्यास 2024 च्या निवडणुकीत बीजेडीला मोठा फायदा होईल. शिवाय, केंद्रातील नरेंद्र मोदी (Narendra Modi) सरकार ओडिशासाठी अधिक निधी मंजूर करेल, असं त्यांनी स्पष्ट केलं. दरम्यान, आठवले यांच्या वक्तव्यावर बीजेडी नेत्यांकडून अद्याप कोणतीही प्रतिक्रिया आलेली नाहीय.
2024 च्या लोकसभा निवडणुकीत (Lok Sabha Election 2024) एनडीए मोठ्या संख्येनं पुढं येईल, असं रामदास आठवलेंनी म्हटलंय. नितीश कुमार (Bihar CM Nitish Kumar) यांनी अलीकडच्या काळात एनडीएची साथ सोडली. परंतु, भविष्यात त्यांचा पक्ष पुन्हा भाजपच्या नेतृत्वाखालील आघाडीचा भाग होऊ शकतो, असं भाकित आठवलेंनी केलंय. नितीश कुमार यांच्या जाण्यानं आघाडीवर कोणताही परिणाम होणार नाहीय. पुढील लोकसभा निवडणुकीत एनडीए किमान 350 जागा जिंकेल, असा विश्वासही त्यांनी व्यक्त केलाय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.