बहुजन समाज पक्षानं (Bahujan Samaj Party) राज्यात यंदा होणाऱ्या नागरी निवडणुकांची तयारी सुरू केलीय. त्यासाठी पक्षानं रणनीती तयार केली असून त्याअंतर्गत पक्ष नवीन सदस्य जोडणार आहे. पक्षानं महानगरपालिकच्या 1000 UP (Municipal Election), पालिका परिषद 500 आणि नगर पंचायतींच्या 300 जागा लढवण्याचा निर्णय घेतलाय. या संदर्भात लखनौमध्ये बसप नेत्यांच्या बैठकीत हा निर्णय घेण्यात आला. बसपा सुप्रीमो मायावती (BSP Chief Mayawati) यांच्या नेतृत्वाखाली झालेल्या या बैठकीत स्थानिक निवडणुकांबाबत नेत्यांना सूचनाही देण्यात आल्या आहेत.

मिळालेल्या माहितीनुसार, बसपा प्रमुख मायावतींनी लोकसभा निवडणुकीच्या तयारीसंदर्भात लखनौमध्ये बैठक बोलावली होती. या बैठकीत नागरी निवडणुकांच्या माध्यमातून लोकसभा निवडणुकीची तयारी करावी लागणार आहे. राज्यातील विधानसभा निवडणुकीत बसपानं (BSP) सर्वात वाईट कामगिरी केलीय. त्यानंतर नागरी निवडणुकांसाठी मायावती सक्रिय झाल्या आहेत. याचवेळी मायावतींनी उत्तर प्रदेशातील रामपूर लोकसभा मतदारसंघात (Rampur Lok Sabha Constituency) होणारी पोटनिवडणूक न लढवण्याचा निर्णय घेतलाय.

पक्षप्रमुख मायावतींनी प्रदेशाध्यक्ष भीम राजभर, प्रदेश प्रभारी मुंकद अली, विजय प्रताप गौतम, राजकुमार गौतम यांच्यासह राज्यातील 18 विभागांच्या 36 प्रभारींसोबत बैठक घेतली. त्यांनी प्रथम प्रत्येक मंडळात संघटनेच्या विस्ताराबाबत चर्चा केली. दरम्यान, विधानसभा निवडणुकीतील (UP Assembly Election) पराभवानंतर, पक्ष आपल्या राजकीय अस्तित्वासाठी लढत आहे. बसपाला नागरी निवडणुकांकडून मोठ्या आशा आहेत. कारण, गेल्या नागरी निवडणुकीत पक्षानं चांगली कामगिरी करून दोन महापालिकांमध्ये महापौरपद पटकावलं होतं. त्यामुळं यावेळीही बसपा चांगली कामगिरी करू शकेल, असं वाटत आहे. त्यामुळं त्यांनी आतापासूनच महापालिका निवडणुकीसाठी तयारी सुरू केलीय.