नवी दिल्ली : भारतात मागील तीन दिवसांपासून कोरोनाने मोठं थैमान घातलं आहे. गेल्या सलग तीन दिवसांत देशांत 80 हजाराहून जास्त कोरोना रुग्ण आढळले आहेत. अशा परिस्थितीत मागील 24 तासांची कोरोना रुग्ण बरे होण्याची ( recovery rate) आकडेवारी दिलासादायक ठरली आहे. गेल्या 24 तासांत देशात 70 हजारांपेक्षा जास्त रुग्ण कोरोनातून बरे होऊन घरी परतले आहेत. तसेच 5 सप्टेंबरला एका दिवसात आतापर्यंचे उच्चांकी 70 हजार 72 रुग्ण बरे झाले आहेत. सध्या देशातील कोरोना रुग्णांचा रिकव्हरी रेट 77.23 टक्क्यांवर गेला आहे. याचबरोबर आणखी एक दिलासादायक बाब म्हणजे कोरोना रुग्णांचा मृत्यूदरही (Case Fatality Rate-CFR) कमी होत असल्याचे दिसत आहे. सध्याचा कोरोनाचा मृत्यूदर 1.73 पर्यंत कमी झाला आहे. अशी माहिती केंद्रीय आरोग्य व कुटुंब कल्याण मंत्रालयाने रविवारी दिली.
आरोग्य मंत्रालयाने प्रसिध्द केलेल्या एका आलेखानुसार, देशात 3 सप्टेंबर रोजी 68 हजार 584 कोरोना रुग्ण बरे झाले होते. तसेच 3 सप्टेंबरला 65 हजार 81 आणि 24 ऑगस्टला 57 हजार 469 रुग्ण बरे झाले होते. तज्ज्ञांच्या मते, देशात कोरोनाच्या सामूहिक उद्रेकाला (कम्युनिटी स्प्रेड) ऑगस्टपासूनच सुरवात झालेली आहे. याला सातत्याने नकार देणाऱ्या केंद्र सरकारकडून गेला आठवडाभर या मुद्यावर बोलण्याचे टाळण्यात आल्याचे दिसते. 130 कोटी लोकसंख्येपैकी आतापावेतो फक्त 4 कोटी 77 हजार चाचण्या पूर्ण झालेल्या आहेत. रूग्णसंख्येबाबत अमेरिका व ब्राझीलपाठोपाठ सर्वाधिक 40 लाखांहून जास्त सक्रिय रूग्ण असणाऱ्या भारतातील परिस्थिती दर महिन्यागणिक भयावह होत आहे. आरोग्य मंत्रालयाच्या दाव्यानुसार शनिवार सकाळपर्यंत 31 लाख 7 हजार 223 रुग्णांनी कोरोनावर मात केली असून बरे होणाऱ्यांचे प्रमाणही 77.23 पर्यंत वाढले आहे. रुग्णांची संख्या 10 लाखांहून 20 लाखांपेक्षा जास्त होण्यास केवळ 21 दिवसांचा काळ लागला आहे.
दिल्लीत पुन्हा उद्रेक
दिल्लीत कोरोनाचा उद्रेक व मास्कसह आरोग्य नियमावली न पाळणाऱ्या बेजबाबदार लोकांचीही संख्या पुन्हा वेगाने वाढत आहे. मात्र, मुख्यमंत्री अरविंद केजरीवाल यांच्या मते सरकारला रुग्णांच्या वाढत्या आकड्यांची नव्हे तर लोकांचे जीव कसे वाचतील याची चिंता आहे. परिस्थिती नियंत्रणात असून घबराट उडवू नये, असेही त्यांनी आवाहन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.