आज देशभरात 75 वा प्रजासत्ताक दिन साजरा केला जात आहे. त्यानिमित्ताने दिल्लीतील कर्तव्यपथावर भारताच्या तिन्ही दलाच्या सैनिकांकडून शक्तिप्रदर्शन आणि पथसंचलन करण्यात येते. त्याचबरोबर देशातील विविध राज्याच्या चित्ररथाचे प्रदर्शन करण्यात येते.

प्रजासत्ताक दिनानिमित्त दिल्लीत होणाऱ्या चित्ररथ संचलनात सहभागी होणारा महाराष्ट्राचा चित्ररथ यावर्षी शिवराज्याभिषेकाच्या 350 व्या महोत्सवाच्या पार्श्वभूमीवर बनविण्यात आला आहे. या चित्ररथामध्ये अन्याय आणि शोषण विरोधातील छत्रपती शिवाजी महाराजांचा संघर्ष दाखवण्यात आला आहे.

२६ जानेवारीला दिल्ली कर्तव्यपथावर होणाऱ्या संचलनात देशातील विविध राज्याच्या संस्कृतीचे प्रतिक असणारे चित्ररथ सहभागी होत असतात.भारताच्या प्रजासत्ताक दिनी दरवर्षी विविध राज्यांचे चित्ररथ देशवासीयांचे लक्ष वेधतात.