Republic Day Parade 2024 : देशभरात आज ७५ वा प्रजासत्ताक दिन मोठ्या उत्साहात साजरा केला जात आहे. या प्रजासत्ताक दिनानिमित्त दिल्लीतील कर्तव्यपथावर भारताच्या तिन्ही दलाच्या सैनिकांकडून शक्तिप्रदर्शन करण्यात येते. यासोबतच दिमाखात पथसंचलन देखील करण्यात येते.

या पथसंचलनानंतर देशातील विविध राज्यांच्या चित्ररथांचे संचलन देखील करण्यात येते. या चित्ररथांमधून विविध राज्यांच्या परंपरेची, इतिहासाची सुंदर झलक पहायला मिळते. प्रजासत्ताक दिनानिमित्त यंदा उत्तर प्रदेशच्या चित्ररथाने सर्वांचे लक्ष वेधून घेतले. या चित्ररथामध्ये प्रभू श्रीरामांच्या अयोध्येतील श्रीराम मंदिराच्या प्रतिष्ठापणेची झलक दाखवण्यात आली.

उत्तर प्रदेशच्या या चित्ररथाची थीम ही 'अयोध्या: विकसित भारत-समृद्ध विरासत' वर आधारित असल्याचे दिसून आले. या चित्ररथाचा पुढील भाग हा रामलल्लाच्या प्राणप्रतिष्ठापणा सोहळ्याचे प्रतिक आहे. या चित्ररथातील प्रभू श्रीरामांचा हाती धनुष्य घेतलेला पुतळा हा त्यांचे बालपणीचे स्वरूप दर्शवतो.

या चित्ररथाच्या मागील भागात ‘वंदे भारत’ रेल्वे आणि मिसाईल दाखवण्यात आली. चित्ररथाच्या पुढील भागात अयोध्येतील श्रीराम मंदिराच्या प्राणप्रतिष्ठेची झलक, प्रभू श्रीरामांचे बालपणीचे स्वरूप आणि विकसित उत्तर प्रदेशची झलक या चित्ररथातून पहायला मिळाली.